Türkiyə Silahlı Qüvvələrinin Xüsusi Mina Axtarış və Təmizləmə Qrupları Azərbaycan Ordusuna dəstək məqsədi ilə ermənilərin basdırdıqları minaların axtarışındadır.
Bu barədə “TRT Haber”in Qarabağdan hazırladığı sujetdə qeyd edilir.
Türkiyəli hərbçilər Azərbaycanın azad etdiyi torpaqlara sakinlərin daha tez və daha təhlükəsiz qayıtması üçün böyük səylə çalışırlar.
Komandalarda 130-dan çox işçi çalışır. Onlar bir tərəfdən minaları təmizləyir, digər tərəfdən Azərbaycan Silahlı Qüvvələrinin şəxsi heyətinə təlim keçirlər.
Əsgərlərin fəaliyyətini xüsusi təlim keçmiş itlər müşayiət edir.
Qarabağ missiyası üçün bölgədə olan türkiyəli hərbçilər Ağdam və Cəbrayıl bölgələrində vəzifələrini davam etdirirlər.
Həmin süjeti təqdim edirik:
