Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 7007

Digər sorğular

Qusarda qəhrəman Qazi haqqında filmin təqdimatı olub - FOTOLAR - VİDEO

09:00  |    05 Yanvar 2020  |   E-mail  |  Çapa göndər

Qusar rayonunda, Heydər Əliyev Mərkəzində Qarabağ qazisi, polkovnik-leytenant, Azərbaycanın qəhrəman oğlu Bəhram Ağakişiyevin həyatından, döyüş yolundan bəhs edən "Cənnət yolçusu" sənədli filminin təqdimatı olub.

Qaziler.az bildirir ki, "Cənnət yolçusu" sənədli filmi Azərbaycan respublikası Prezidenti Yanında QHT-lərə Dövlət Dəstək Şurasının maliyyə yardımı ilə "Vətənpərvərliyin Təbliğinə Dəstək" İctimai Birliyi tərəfindən hazırlanıb. Layihə rəhbəri Şəmistan Əlizamanlıdır. Filmin ssenari müəllifi İlham Tumas, rejissoru Nicat Cəlilov, redaktoru Rey Kərimoğludur.

Layihə rəhbəri Ş.Əlizamanlı təqdimatdan əvvəl çıxış edərək xalqımızın qəhrəman oğlu Bəhram Ağakişiyevin keçdiyi döyüş yolundan, onun vətən və dövlət sevgisindən danışıb. O, filmi ərsəyə gətirdiklərinə görə yaradıcı heyətə, dəstəyə görə Azərbaycan respublikası Prezidenti Yanında QHT-lərə Dövlət Dəstək Şurasına təşəkkür edib.

Filmin təqdimatından sonra Yeni Azərbaycan Partiyasının Qusar rayon təşkilatının sədri Davud İbrahimxəlilov çıxış edərək Şəmistan Əlizamanlı başda olmaqla filmin hazırlanmasında əməyi olan hər kəsə təşəkkürünü bildirərək deyib: “Bu filmi ərsəyə gətirənlərə, şəxsən Şəmistan Əlizamanlıya təşəkkürümü bildirirəm ki, bu filmlə siz qəhrəmanımızı bizə tanıtdınız. Bundan sonra da biz tez-tez rayonumuzda qəhrəmanımızla gənclərin – şagirdlərin görüşünü təşkil edəcəyik. Fəxr edirik ki, Bəhram Ağakişiyev kimi bizim eloğlumuz var! ”

Sonra Respublika Müharibə, Əmək və Silahlı Qüvvələr Veteranları Təşkilatının sədr müavini, Bəhram Ağakişiyevlə uzun müddət bir yerdə xidmət etmiş polkovnik Cəlil Xəlilov geniş çıxış etdi. O, qəhrəmanın keçdiyi şərəfli yoldan ətraflı danışdı.

Sonunda B.Ağakişiyev çıxış edərək tədbirin təşkilinə görə zəhməti keçən hər kəsə təşəkkür etdi: “Şəxsən mənə verdiyiniz dəyərə və belə bir tədbir təşkil etdiyinə görə təşkilatçılara, zəhməti olan hər kəsə təşəkkürümü bildirirəm. Mən vətənimi çox sevirəm, bundan sonra da vətənim üçün nə lazımdırsa edəcəyəm. Canımı da qurban verməyə hazıram, təki torpaqlarımız mənfur düşməndən azad olunsun!”

Yüksək səviyyədə keçən tədbirdə Qusar rayon ictimaiyyətinin, veteranlar təşkilatlarının nümayəndələri, hərbçilər iştirak edib.

Qaziler.az


Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
14.08.2020
Avqust ayı üzrə bütün pensiyaların ödənişi başa çatdı
14.08.2020
Rayonlara gediş-gəliş açılırmı?
13.08.2020
Bakı Metropoliteni işçi axtarır - VAKANSİYA
13.08.2020
Gəncədə “Qarabağ qazilər” birliyinin filialı yaradıldı – RƏSMİ
12.08.2020
Azərbaycanda restoranlar açılır, toylar isə bu tarixədək olmayacaq