Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6482

Digər sorğular

Həbib Nurməhəmmədov: "Bizdə qadınlar papaq qoymur, əsl kişilər papaq daşıyır"

09:28  |    08 Sentyabr 2019  |   E-mail  |  Çapa göndər


“Titulumu üçüncü dəfə müdafiə etmək? Son iki il mənim üçün çox gərgin keçib”.

APA-nın məlumatına görə, bunu MMA üzrə UFC versiyasının dünya çempionu Həbib Nurməhəmmədov deyib.

Birləşmiş Ərəb Əmirliklərinin paytaxtı Abu-Dabidə keçirilən UFC-242 çərçivəsində ABŞ təmsilçisi Dastin Poryeni məğlubiyyətə uğradan rusiyalı idmançı yüngül çəki dərəcəsində ən güclü olduğunu bir daha sübut edib. 28-ci döyüşdə 28-ci qələbəsini qazanaraq dünya çempionu kəmərini özündə saxlayan H.Nurməhəmmədov titulunu qorumaq üçün növbəti qarşılaşma barədə düşünməyə tələsmir.

O, bunu D.Porye üzərində qələbədən sonra açıqlayıb: “Bir az dincəlmək istəyirik. Üzərimdə, çiyinlərimdə bu qədər təzyiq var. Mənə bir az vaxt verin. Ola bilər ki, bir neçə gün. Mənə istirahət etmək lazımdır”.

Dünya çempionu nailiyyətlərində pay sahibi olanlara təşəkkürünü də çatdırıb: “Bilmirəm, niyə həyatımda bu qədər hadisələr var. Allaha, burda yanımda olan atama, məşqçim Mendesə, qardaşıma, hamıya təşəkkür edirəm. Biz birlikdə doğulub-böyümüşük. Mən hər şeyə onların – atamın, sparrinq-rəqiblərin, qardaşlarımın, İslamın, Zubenin, hamısının sayəsində nail olmuşam. Kimi unutdumsa, bağışlayın. Əmilərimə, dayılarıma, hamıya minnətdaram”.

H.Nurməhəmmədov əynindəki formanı daşıması barədə də danışıb: “Niyə bu futbolkanı geyinirəm? Bilirəm ki, Dastin aktiv şəkildə xeyriyyəçiliklə məşğuldur. Şübhə etməyin, bu geyimi satıb, bütün pulu ona verəcəyəm. Bu, mənim istədiyimdir. Dastinlə bir-birimizə döyüşə qədər də böyük hörmətimiz var idi. Axmaqla üz-üzə gəldiyim ötən döyüşlə müqayisədə tam fərqli münasibətlər. Mən onda çox dəlisov hərəkətlər etdim. Hər şeyi unutmaq istəyirəm. Biz göstəririk ki, MMA nədir. Burda əsas hörmətdir. Zala gələndə məşqçinin dediyi ilk söz o olur ki, buranı təmizlikdə saxlamalı, həmkarlarına, rəqiblərinə, məşqçilərinə hörmət etməlisən. Hörmət hər şeydən öndədir. Bunu Dastin və onun gözəl komandası da göstərir”.

Rusiyalı idmançı başındakı papaq barədə də fikirlərini bildirib: “Rusiyadan, Dağıstandan, bütün MDB ölkələrindən, dünyadan bura gələnlərə təşəkkür edirəm. Burada o qədər papaq gördüm ki. Bununla fəxr edirəm. Bu, təkcə Dağıstanın, Çeçenistan, İnquşetiyanın deyil, bütün Şimali Qafqazın mədəniyyətidir. Mən dağlarda böyümüşəm. Biz orda ona görə papaq daşımırıq ki, hər kəs bunu edə bilər. İlk növbədə şərəfin olmalıdır, sən kişi olmalısan. Bizdə qadınlar papaq qoymur, əsl kişilər papaq daşıyır. Mən bu papaqları görəndə enerji ilə əlavə enerji aldım. Hamıya təşəkkür edirəm”.

Qeyd edək ki, H.Nurməhəmmədov 3-cü raundda boğucu fəndlə amerikalı rəqibini təslim olmağa vadar edib.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
22.09.2019
Mahir Emrelinin evini qarət edən şəxslər danışdı - VİDEO
20.09.2019
Hacı Əliyev dünya çempionatındakı qalmaqaldan danışdı: "Arxamca 5-6 nəfər fırlanır..."
19.09.2019
Hacı Əliyevin qırmızı vərəqəsi ləğv edilib
19.09.2019
Dünya çempionatında Hacı Əliyevlə hakimlər arasında qalmaqal: haqsızlıqla barışmadı...
18.09.2019
Stadnik ikinci dəfə dünya çempionu oldu