Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6560

Digər sorğular

Şirvanda məcburi köçkünlər üçün yeni qəsəbə salınır

16:54  |    17 Avqust 2019  |   E-mail  |  Çapa göndər


Ölkə Prezidentinin sərəncamına uyğun olaraq, Şirvanda məcburi köçkün ailələri üçün sosial-texniki infrastrukturu olan yeni yaşayış qəsəbəsində son tamamlama işləri aparılır.

APA-nın Mil-Muğan bürosunun məlumatına görə, şəhərin 10 hektar ərazisində 685 məcburi köçkün ailəsi üçün 13 ədəd 9 mərtəbəli 2 girişli binalar və əhalinin qəsəbədə komfort yaşaması üçün bütün infrastruktur tikililər inşa edilib.

Layihə rəhbəri Əyyam Hüseynovun bildirdiyinə görə, məcburi köçkünlərin məskunlaşması üçün 2019-cu ilin yanvar ayında Şirvan şəhərində qəsəbədə məktəb, uşaq bağçası və digər köməkçi tikintilərin inşasına başlanılıb. Hazırda tikinti tamamlama ərəfəsindədir, yaşıllıqlar və yol örtükləri salınıb. Yaxın zamanda qəsəbə vətəndaşların ixtiyarına veriləcək.

Qəsəbənin ərazisində 540 şagird yerlik məktəb, 140 yerlik uşaq bağçası, klub-icma mərkəzi, tibb məntəqəsi, ATS üçün inzibati bina tikilib. Eyni vaxtda qəsəbədə isitmə sistemi olan mərkəzi qazanxana, 4 ədəd su anbarı, o cümlədən 2 yanğından mühafizə və 2 içməli su anbarında işlər yekunlaşıb. Qəsəbəyə gələn 1,7 kilometrlik yolun inşasında da yekun işlər yerinə yetirilir.

İşlərin tez və keyfiyyətlə aparılması üçün inşaat işlərinə 17 şirkət, 600-dən çox işçi qüvvəsi, 100-ə qədər texnika cəlb olunub. Qəsəbənin dayanıqlı elektrik enerjisi ilə təminatı üçün 35/6/04 kilovoltluq yarımstansiya, 10 kilometrlik yüksək gərginlikli xətlər və istilik sisteminin təminatı üçün qaz xətləri çəkilib.

Ümumiyyətlə, qəsəbədə sakinlərinin rahat yaşamaları və istirahəti üçün bütün lazımı şərait yaradılıb.

Qeyd edək ki, Azərbaycan Respublikası Dövlət Neft Fondu (ARDNF) 2001-ci ildən başlayaraq Ermənistan-Azərbaycan, Dağlıq Qarabağ münaqişəsi nəticəsində öz doğma yurdlarından didərgin düşmüş qaçqın və məcburi köçkün ailələrinin məskunlaşdırılması və sosial-məişət vəziyyətinin yaxşılaşdırılması üçün tədbirlərin həyata keçirilməsinə vəsait ayırır. Bu dövr ərzində ARDNF-nin vəsaiti hesabına 37 rayon və şəhər ərazisində o cümlədən Naxçıvan Muxtar respublikası ərazisində qaçqın və məcburi köçkünlər üçün hündürmərtəbəli binaların, fərdi yaşayış evlərinin, sosial-mədəni, infrastruktur və digər obyektlərin tikintisi həyata keçirilib.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
08.11.2019
Yevlaxda Əlilliyi olan şəxslər üçün Regional Bərpa Mərkəzi əsaslı təmirdən sonra istifadəyə verildi
07.11.2019
Şəhid ailələri, Qarabağ müharibəsi və 20 Yanvar əlillərinə daha 40 mənzil verildi - FOTO
06.11.2019
Gələn il Azərbaycanda orta aylıq pensiya 293 manat olacaq
06.11.2019
Əlilliyi olan şəxslərə reabilitasiya vasitələri yaşadıqları rayonlara aparılaraq təqdim edilib
06.11.2019
DOST Agentliyində Bolqarıstanın Əmək və Sosial Siyasət naziri ilə görüş olub