Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6441

Digər sorğular

Məcburi köçkünlər üçün əmək yarmarkası keçirilib

21:21  |    07 May 2019  |   E-mail  |  Çapa göndər


Abşeron rayonunda məcburi köçkünlər üçün əmək yarmarkası keçirilib.

Əmək və Əhalinin Sosial Müdafiəsi Nazirliyi və Qaçqınların və Məcburi Köçkünlərin İşləri üzrə Dövlət Komitəsinin birgə təşkilatçılığı ilə Abşeron rayonunda məcburi köçkünlər üçün əmək yarmarkası keçirilib. Tədbir rayonda məcburi köçkünlər üçün inşa olunmuş yeni yaşayış kompleksində təşkil edilib.

Əmək və Əhalinin Sosial Müdafiəsi Nazirliyinin İctimaiyyətlə əlaqələr və Kommunikasiya şöbəsindən Qaziler.az-a verilən məlumata görə, yarmarkada 80 müəssisədən 881 vakant iş yeri təqdim olunub.

Tədbirin açılışında qeyd olunub ki, Azərbaycan Prezidenti İlham Əliyevin uğurlu sosial-iqtisadi siyasətinin əsas istiqamətlərindən biri ölkədə məşğulluq imkanlarının artırılması, əmək resurslarının səmərəli məşğulluğunun təminatıdır. Bu siyasətə uyğun olaraq Əmək və Əhalinin Sosial Müdafiəsi Nazirliyi yanında Dövlət Məşğulluq Xidməti tərəfindən aktiv məşğulluq tədbirləri ildən-ilə gücləndirilir. Məcburi köçkünlərin məşğulluğunun təmin olunması da Xidmətin əsas fəaliyyət istiqamətlərindən biridir.

2019-cu ilin birinci rübündə Dövlət Məşğulluq Xidməti tərəfindən 1876 məcburi köçkün münasib işlə təmin edilib, 1529 məcburi köçkün “İşsizin DOSTu” proqramı çərçivəsində əmək müqaviləsi əsasında ödənişli ictimai işlərə cəlb olunub. Sosial cəhətdən həssas qruplardan biri olan məcburi köçkünlərin özünüməşğulluq proqramı çərçivəsində kiçik ailə təsərrüfatlarına sahib olmaları sahəsində də işlər davam etdirilir. Cari ilin yanvar-aprel aylarında bu proqrama artıq 1610 nəfər cəlb olunub ki, onlardan 400-ə yaxını məcburi köçkünlərdir.

Hazırda keçirilən əmək yarmarkası da məcburi köçkünlərdən işsiz və işaxtaran şəxslərin əmək bazarına çıxışının dəstəklənməsinə, onların məşğulluğunun təminatına xidmət edir.

Tədbirdə məcburi köçkünlərin yaşayış şəraitinin yaxşılaşdırılması məqsədilə görülən işlər də diqqətə çatdırılıb, Abşeron rayonunda məcburi köçkünlər üçün inşa olunmuş yeni yaşayış kompleksində müasir tələblərə uyğun infrastrukturun yaradıldığı vurğulanıb.

Vakant iş yerləri təklif edən müəssisələrin nümayəndələrinin də iştirak etdiyi yarmarkada işsiz və işaxtaran şəxslərə peşə bacarıqlarına, əmək vərdişlərinə və seçimlərinə uyğun boş (vakant) iş yerlərinə göndərişlər verilib. Əmək bazarının tələblərinə uyğun yeni peşələrə yiyələnmək istəyən şəxslər peşə hazırlığı və əlavə təhsil kurslarına cəlb edilmək üçün qeydiyyata alınıblar. Haqqı ödənilən ictimai işlərdə çalışmaq istəyənlərin də qeydiyyatı aparılıb.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
22.08.2019
Xanımından şəhidimizlə bağlı ürəksızladan sözlər: 17 il ərzində bir dəfə də olsun... - VİDEO
22.08.2019
Sabahın HAVA PROQNOZU - Meteohəssas insanlar üçün əlverişsiz olacaq
22.08.2019
DİN: “Avtomobillərinizdə qiymətli əşyalar saxlamayın!”
22.08.2019
Əbülfəz Elçibəysiz 19 il
22.08.2019
MiQ-29 tipli döyüş təyyarəsinin qəzaya uğrama səbəbi müəyyən edilib