Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6354

Digər sorğular

Paşinyanın AŞPA çıxışı Kremli narahat etdi: Nəzarət artır

16:14  |    13 Aprel 2019  |   E-mail  |  Çapa göndər


Rusiya Qarabağ danışıqlarında Ermənistanı nəzarətsiz buraxmaq istəmir.

Bu sözləri Axar.az-a Azərbaycan və Ermənistan XİN rəhbərlərinin Moskva görüşünü şərh edən politoloq İlqar Vəlizadə deyib. Ekspert hesab edir ki, görüşün Moskvada keçirilməsi Azərbaycan-Rusiya-Ermənistan üçtərəfli danışıqlar formatının bərpa olunmasından xəbər verir:

“Azərbaycan-Rusiya-Ermənistan formatı ötən illərdə də mövcud idi, ancaq müxtəlif səbəblər və Ermənistanda gedən siyasi proseslərlə əlaqədar olaraq öz işini dayandırmışdı. İndi bu üçtərəfli formatın bərpa olunması önəmlidir. Rusiya danışıqlarda tərəf kimi çıxış etməklə münaqişənin tənzimlənməsi ilə bağlı prosesə və Ermənistana nəzarəti artıracaq. Düzdür, Rusiya onsuz da danışıqlarda vasitəçi idi, ancaq Moskvanın danışıqlara yenidən qayıdışı heç də səbəbsiz deyil. Ermənistanın son vaxtlar daha çox “müstəqil” addımlar atmağa çalışması Moskvanı çox narahat edir. Ermənistanın müdafiə naziri David Tonoyanın ABŞ-da, daha sonra isə Paşinyanın AŞPA-da çıxışı açıq şəkildə digər oyunçuların prosesə cəlb edilməsinə xidmət edir. Təbii ki, bunu anlayan Rusiya Qarabağ danışıqlarında Ermənistanı nəzarətsiz buraxmaq istəmir”.

Politoloq Paşinyanın görüş ərəfəsində “sülh carçısı” kimi görünmək cəhdlərinə də aydınlıq gətirib:

“Paşinyanın məqsədi Ermənistanın sülhpərvər dövlət imicini yaratmaq və bununla da Moskva görüşündən rahatlıqla can qurtarmaqdır. Nikol hazırda Rusiyaya guya sülh tərəfdarı olduğunu göstərməyə çalışır. Ancaq bundan öncəki çağırışları nəzərə alsaq, işğalçı hər vəchlə müxtəlif təxribatlara əl ataraq müharibə ehtimallarını artırmağa çalışmaqda davam edəcək. Ermənistan başa düşür ki, danışıqlar prosesi uzandıqca müharibə ehtimalı artır, ona görə də “sülh” adı altında müharibəyə hazırlıq görür. Sözsüz ki, Bakı İrəvanın bütün vasitələrlə onu hərbi əməliyyatlara sürüklədiyini bilir və buna məhəl qoymayaraq, danışıqlarda iştirak etməklə düşmənin bütün təxribatlarını önləyir”.

Qeyd edək ki, Dağlıq Qarabağ münaqişəsinin həlli çərçivəsində aparılan danışıqların növbəti mərhələsi Azərbaycan və Ermənistanın xarici işlər nazirləri arasında aprelin 15-də Moskvada baş tutacaq.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
18.06.2019
IDEA və Ümumdünya Turizm Təşkilatı arasında anlaşma memorandumu imzalanıb
18.06.2019
Fuad Abbasov həbsdə olmasının səbəblərini öz səsi ilə açıqladı - sensasion telefon bəyanatı - AUDİO
16.06.2019
Azərbaycan, Rusiya və İran prezidentləri avqustda Soçidə görüşəcək
14.06.2019
“Sarsılmaz qardaşlıq-2019” təlimində iştirak etmiş hərbçilər Azərbaycandan Türkiyəyə qayıdıblar - VİDEO
13.06.2019
Türkiyə və Azərbaycanın arasını kimlər və niyə vurmaq istəyir?