Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6475

Digər sorğular

“Ermənistan kompensasiya ödəməsə, yenidən məsələ qaldırılacaq” - Fəxrəddin Paşayev

16:25  |    21 Fevral 2019  |   E-mail  |  Çapa göndər


2017-ci ilin dekabrında Avropa İnsan Haqları Məhkəməsinin Böyük Palatası “Çıraqov və başqaları Ermənistana qarşı” işi üzə qərar çıxarıb.

Qərara əsasən, Ermənistan hökuməti vurduğu maddi və mənəvi ziyan qarşılığında 6 şikayətçinin hər birinə 5 min avro və ümumi xərclər üçün 28 642 funt-sterlinq ödəniş etməlidir.

Avropa Məhkəməsi tərəfindən təzminatın ödənilməsi ilə bağlı Ermənistana verilən vaxt bitsə də, hələ də kompensasiya şikayətçilərin hesabına köçürülməyib.

Laçın rayonundan məcburi köçkün düşmüş Fəxrəddin Paşayev Azvision.az -a bildirib ki, Ermənistan tərəfi kompensasiyanı bu il ödəməsə, məhkəmə qarşısında yenidən məsələ qaldırılacaq.

“Vəkillərimizlə mütəmadi əlaqə saxlayırıq. Vəkillər Avropa Məhkəməsinin Avropa Nazirlər Komitəsinə yazırlar. Çingiz Əsgərovla əlaqə saxlamışıq. O dedi ki, biz tərəfdən də yazışmalar gedir. Bu il ərzində həmin kompensasiya ödənilməsə, məhkəmə qarşısında məsələ qaldıracağıq ki, yenidən qərar verilsin”.

F.Paşayev qeyd edib ki, onların Ermənistan höküməti üzərində qələbəsi sonrakı məhkəmə işləri üçün prioritetdir.

“Azərbaycan höküməti Ermənistana qarşı 50 milyardlıq iddia qaldırmaq istəyir, bununla bağlı Avropa İnsan Hüquqları Məhkəməsində sənədləşmə gedir. Bizim işimiz orada prioritet kimi götürülür. Yəni 6 nəfər məcburi köçkünün qarşısında Ermənistan höküməti cavabdehlik daşıyırsa, deməli, yerdə qalan məcburi köçkünlər qarşısında da avtomatik olaraq məsuliyyət daşıyır. Bu, onların hüquqlarının pozulmasının sübutdur və Ermənistan öz cavabdehliyini yerinə yetirməlidir”.

Xatırladaq ki, Avropa İnsan Haqları Məhkəməsi 2015-ci il iyunun 16-da “Çıraqov və başqaları Ermənistana” qarşı işi ilə bağlı qərar çıxararaq şikayətçilərə qarşı Avropaİnsan Haqları Konvensiyasının 1-ci Protokolunun 1-ci maddəsi (mülkiyyətin toxunulmazlığı), Konvensiyanın 8-ci (şəxsi həyatın toxunulmazlığı), 13-cü (ədalətli mühakimə hüququ) maddələrinin davamlı pozulduğunu bildirib. İş üzrə iddiaçılar Elxan və Adışirin Çıraqovlar (1950 və 1947-ci il təvəllüdlü), Ramiz Cəbrayılov (1960), Akif Həsənov (1959), Fəxrəddin Paşayev (1956) və artıq vəfat etmiş Qara Cəbrayılovdur (1940). Akif Həsənovdan başqa iddiaçıların hamısı hazırda Bakıda yaşayır. Laçın rayon sakinləri olan bu şəxslər 1992-ci il mayın 17-də zorla evlərindən qovulub, onların mülkiyyəti ermənilərin əlinə keçib.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
18.09.2019
İran səfirliyi: “Dağlıq Qarabağ” komandasının erməni idman olimpiadasında iştirakına icazə verilməyib
18.09.2019
Azərbaycan MN: Düşmən atəşkəs rejiminə əməl etmir
17.09.2019
Bakıdan müharibə anonsu - hazırlıqlar bitir...
17.09.2019
Ermənistan silahlı bölmələri atəşkəsi 22 dəfə pozub
16.09.2019
Vətənsizliyin 26-cı sinfində oxuyanlar – Qarabağın ağ-qaralı “Bilik günü” - VİDEO