Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6651

Digər sorğular

Dövlət Komitəsində 20 Yanvar faciəsinin ildönümü qeyd edilib

17:50  |    19 Yanvar 2019  |   E-mail  |  Çapa göndər


Yanvarın 19-da Qaçqınların və Məcburi Köçkünlərin İşləri üzrə Dövlət Komitəsində 20 Yanvar faciəsinin 29-cu ildönümü münasibəti ilə anım tədbiri keçirilib.

Qaziler.az bildirir ki, tədbirdə Dövlət Komitəsinin sədri, sədr müavinləri, şöbə və departament rəhbərləri, “20 Yanvar cəmiyyətinin” üzvləri, “SABAH” qrupunun tələbələri iştirak ediblər.
Milli müstəqillik, azadlıq uğrunda mübarizədə həlak olmuş şəhidlərimizin xatirəsi bir dəqiqəlik sükutla yad edilib.

Dövlət Komitəsinin sədri Rövşən Rzayev bildirib ki, 1990-cı il yavarın 20-də SSRİ rəhbərliyinin Azərbaycan xalqına qarşı apardığı ədalətsiz və qərəzli siyasətinə etiraz əlaməti olaraq küçələrə çıxmış dinc əhaliyə divan tutulub. Milli azadlıq və müstəqillik üçün ayağa qalxan əhali həm də yerli rəhbərliyin yarıtmaz fəaliyyətinə etiraz edirdi. Həmin gün Azərbaycanda sovet hakimiyyəti tərəfindən törədilən faciə insanlığa qarşı törədilən ən qəddar cinayətlərdən biridir. Təəssüflər olsun ki, bu faciəni törədənlər hələ də öz layiqli cəzasını almayıb.

Qeyd olunub ki, 20 Yanvar faciə kimi yadda qalsa da, Azərbaycanın istiqlal mübarizəsinin rəmzidir. Qanlı yanvar Azərbaycan xalqının milli azadlıq uğrunda mübarizə əzmini, iradəsini qıra bilmədi. Baş vermiş bu faciəyə dövlət səviyyəsində hüquqi-siyasi qiymət yalnız ümummilli lider Heydər Əliyev hakimiyyətə qayıtdıqdan sonra verilib. Cinayəti törədənlərin adları ictimaiyyətə çatdırıldı, 20 Yanvar - Ümumxalq Hüzn Günü elan edildi. Faciənin 10-cu ildönümünün qeyd edilməsi üçün də Ümummilli lider Heydər Əliyev tərəfindən fərman imzalanıb.

Diqqətə çatdırılıb ki, Prezident İlham Əliyev 20 Yanvar faciəsi zamanı həlak olanların ailə üzvlərinə və yaxınlarına diqqət və qayğı göstərir. Şəhid ailələrinə və əlillərə birdəfəlik maddi yardım verilməsi, mənzillərlə təminatı göstərilən diqqətin bariz nümunəsidir. Şəhidlər Xiyabanının vahid kompleks kimi yenidən qurulması da dövlət başçısının şəhidlərin ruhuna olan ehtiramının ifadəsi idi. Birinci vitse-prezident xanım Mehriban Əliyeva müharibə veteranlarının, şəhid ailələrinin, əlillərin problemlərinə də böyük qayğı ilə yanaşır. 20 Yanvar şəhidlərinin xatirəsinin əbədiləşdirilməsi, faciə qurbanlarının ailələrinin problemlərinin həlli, sağlamlığının bərpası istiqamətində mühüm işlər görülür.

Tədbir çıxışlarla davam edib.

Sonda 20 Yanvar faciəsindən bəhs edən film nümayiş edilib.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
17.01.2020
Sabahın hava proqnozu açıqlanıb
17.01.2020
Gəncədə polislə silahlı qarşıdurmanın görüntüləri yayımlanıb - VİDEO
17.01.2020
Yunis Səfərov sabiq başçını niyə güllələdiyini hər kəsin bilməsini istəyir
16.01.2020
Əlilliyin qiymətləndirilməsi qaydası müəyyənləşib
16.01.2020
Vəkilovların nümayəndəsi də namizəd oldu