Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6477

Digər sorğular

Azərbaycanın Qarabağsız xəritəsi harda satılır? - Reportaj

15:36  |    09 Aprel 2018  |   E-mail  |  Çapa göndər


Son günlər Bakıda turistlərə satılan suvenirdə Azərbaycan xəritəsinin Qarabağsız təsvir edilməsi geniş müzakirə mövzusuna çevrilib.

Mədəniyyət və Turizm Nazirliyi məsələ ilə bağlı araşdırma aparıldığını açıqlasa da, hələlik, nəticə elan edilməyib.

Bu olay istər-istəməz bu sualı aktuallaşdırdı: Azərbaycanda turistlərə suvenir olaraq nə təklif edilir? Bu suvenirlərdə hansı mesajlar verilir?

Bakıdakı suvenirlər Pakistanda hazırlanır

Bakını turistlər üçün daha cəlbedici edən İçərişəhər həm də bu tip suvenirlərin daha çox təklif edildiyi yerdir. Biz də ora üz tutduq.

İçərişəhərdə olduğumuz müddətdə demək olar ki, bütün dükanlara yaxınlaşıb, satılan suvenirləri nəzərdən keçirdik. Lakin satıcıların çoxu mövzu ilə bağlı danışmaqdan imtina edərək, suvenirlərin fotolarını belə çəkməyə icazə vermədilər.

Adının çəkilməsini istəməyən bir satıcı bildirdi ki, dükanda 20-30 çeşiddə suvenir satılsa da, sosial medianın müzakirə mövzusu olan suvenirlə heç vaxt rastlaşmayıb:

“Bizim dükanda heç vaxt üzərində Qarabağın Azərbaycan ərazisi kimi təsvir edilmədiyi suvenir-xəritə satılmayıb. Ümumiyyətlə, burada satışda olan suvenirlərin çoxu Azərbaycanda yox, xaricdə istehsal olunur. Suvenirlərin dizaynı yerli şirkətlər tərəfindən verilsə də, onlar daha çox Pakistanda hazırlanır”.

Avropalı, ərəb, rus və digər turistlərin suvenir seçimindən danışan satıcı əlavə etdi ki, turistlər yerli məhsullar arasında kəlağayıya üstünlük verir.

Satıcı Rəna İbadova da Qarabağı Azərbaycan ərazisi kimi əks etdirməyən suvenirə rast gəlmədiyini bildirdi:

“Mən çalışdığım dükanda belə suvenir satışda olmayıb. Hədiyyə almaq üçün dükana gələn turistlər isə suvenirlərdən çox, dəvə yunu və ipəkdən toxunan şallara üstünlük verir. Yerli məhsullardan stəkanlar və kasalar da turistlərin diqqətini daha çox cəlb edir. Bu əşyaların üzərində Azərbaycanda hazırlandığını göstərən xüsusi qeydlər var”.

Turistlər nələr alır?

Suallarımızı cavablandıran tailandlı turist Ari Plin İçərişəhərdə olarkən vaxtaşırı suvenirlər aldığını bildirdi:

“Azərbaycanda artıq altıncı dəfədir səfərdəyəm. İçərişəhərdə suvenir mağazalarında gəzməyi sevirəm. Burada xüsusilə qadınlar üçün hazırlanmış şərflər diqqətimi çəkir. Hesab edirəm ki, əl işlərinin keyfiyyəti yüksəkdir. Buradan aldığım əşyaları Azərbaycandan xatirə kimi evimin bir küncündə saxlayıram. Sonuncu dəfə Bakının görünüşünü əks etdirən və üzərində maraqlı, rəngarəng işləmələr olan lövhə almışdım”.

Fransalı Rocid Komenko artıq ikinci dəfədir ki, Azərbaycanda olduğunu və Azərbaycan istehsalı olan xalçalarla maraqlandığını söylədi:

“Hazırda həmin xalçaların axtarışındayam. Bakıda səfərdə olan dostlarım da bu həftə ərzində 5-6 xalça alıb. Əgər həmin xalçalardan tapsam, özüm də alacam. İçərişəhərdə satılan suvenirlər çox gözəldir, lakin sizin xalçalar mənim maraq dairəmdədir. Xüsusilə qoyun yunundan və bir hissəsi ipəkdən olan Qarabağ, Quba xalçaları diqqətimi çəkir. Xalça Muzeyində olduğum zaman orada Qarabağ xalçalarını görüb bəyəndim və xüsusi sevgim də oradan yarandı”.

Qeyd edək ki, İçərişəhərdə baş çəkdiyimiz mağazaların heç birində Azərbaycanın xəritəsində Qarabağın təsviri olmayan suvenirlə rastlaşmadıq.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
20.09.2019
Mindən çox abonent qazsız qalacaq
20.09.2019
Sabah Azərbaycanda temperatur aşağı düşəcək - HAVA PROQNOZU
20.09.2019
Prezident İlham Əliyev “Əsrin müqaviləsi”nin 25 illiyi münasibətilə keçirilən mərasimdə iştirak edib
20.09.2019
Mehriban Əliyeva “Əsrin müqaviləsi”nin 25 illiyi ilə əlaqədar İnstaqram səhifəsində paylaşım edib
19.09.2019
Fuad Qəhrəmanlı ilə Zümrüd Yağmur arasında məhkəmə başladı - İlk iclas