Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6519

Digər sorğular

Yaponiya İmperatoru taxt-tacdan imtina edir

17:24  |    22 Noyabr 2017  |   E-mail  |  Çapa göndər


Yaponiyada İmperator Akihitonun taxt-tacdan imtinası üzrə komissiyanın yığıncağı dekabrın 1-də keçiriləcək.

AZƏRTAC xəbər verir ki, bu barədə Yaponiya Nazirlər Kabinetinin baş katibi Yoşihide Suqa noyabrın 22-də keçirilən fövqəladə mətbuat konfransında məlumat verib.

Baş katib deyib: “İmperator ailəsi üzrə komissiyanın yığıncağı dekabrın 1-də keçiriləcək”.

Tərkibinə dövlət orqanlarının və İmperator ailəsinin üzvlərinin daxil olduğu komissiyanın İmperator Akihitonun sağlığında taxt-tacı vəliəhd-şahzadəyə təhvil verməsi ilə əlaqədar kompleks məsələləri müzakirə edəcəyi gözlənilir. Yığıncaqda cəmiyyəti daha çox narahat edən taxt-tacın təhvil verilməsinin tarixinin də dəqiqləşdiriləcəyi bildirilir.

Xatırladaq ki, Yaponiya parlamenti cari ilin iyununda taxt-tacın İmperator Akihitodan vəliəhd şahzadəyə ötürülməsi barədə qanun qəbul edib. Həmin qanunda taxt-tacın təhvil verilməsinin dəqiq tarixi öz əksini tapmayıb. Qanunda bu barədə qərarın üç il ərzində qəbul ediləcəyi və qərarın qəbulu üçün hakimiyyətin hər üç qolunun nümayəndələrinin iştirakı ilə İmperator ailəsi üzrə komissiyanın toplaşacağı qeyd edilib.

Məsələ burasındadır ki, Yaponiyada taxt-tacın təhvil verilməsi yalnız mərasim xarakteri daşımır. Bu Gündoğar ölkədə tarix həm Avropa qaydasında, həm də İmperatorun hakimiyyətdə olduğu illər üzrə aparılır. İlkin olaraq taxt-tacın 2019-cu il yanvarın 1-də ötürülməsi nəzərdə tutulurdu. Lakin yeni il ərəfəsində monarxın işinin həddindən çox olduğunu bildirən İmperator dəftərxanası bu təklifi qəbul etməmişdi. Bildirilmişdi ki, yeni İmperatorun taxt-taca aprelin əvvəlində, Yaponiyada yeni maliyyə ilinin başlanğıcında çıxması maliyyə və mühasibat sənədlərində baş verə biləcək anlaşılmazlıqları aradan qaldırar.

Akihitodan sonra Yaponiyada yeni İmperator onun böyük oğlu Narhito olacaq. Onun yeganə qızı Aiko qanuna əsasən vəliəhd ola bilməz. Buna görə də vəliəhd-şahzadə statusu Naruhitonun kiçik qardaşı şahzadə Akisino Fumihitoya keçəcək. O, həm də İmperator ailəsində taxt-tacın yeganə varisi, 11 yaşlı Hişahitonun atasıdır.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
18.10.2019
Terrorçular İran ərazisindən Türkiyəyə atəş açıblar, ölən və yaralanan var
18.10.2019
Tramp Türkiyəyə qarşı yeni sanksiyalara ehtiyac qalmadığını deyib
17.10.2019
NATO Türkiyəsiz bacarmaz – Rutte
17.10.2019
PKK sıralarından 600-dən artıq terrorçu qaçıb
17.10.2019
ABŞ və Türkiyə Suriyada razılığa gəldi - ATƏŞKƏS