Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6518

Digər sorğular

“Neftçi”də futbolçular bir-birini qəbul etmirlər” – Tərlan Əhmədov

00:11  |    16 Sentyabr 2017  |   E-mail  |  Çapa göndər


"Neftçi”nin yeni baş məşqçisi Tərlan Əhmədov bu gün mətbuat konfransı keçirib.

Qol.az "Qafqazinfo"ya istinadən xəbər verir ki, baş məşqçi jurnalistlərin suallarını cavablandırıb.

- Klubun keçmiş baş məşqçisi Elxan Abdullayev nələr qoyub gedib?

- Elxan Abdullayevə təşəkkür edirəm. Hər şeyi onun üstünə yıxmaq olmaz. Komandada çatışmazlıq çoxdur. Futbolçularda özünəinam azdır. Hər məşqdə onlarda inamı qaytarıram. Futbolçularda bir-birinə qarşı da inamsızlıq var. Komanda yoldaşları bir-birini qəbul etmirlər. Yerlilər bir, legionerlər başqa qruplaşmadır. Bunları aradan qaldırmağa çalışırıq. Zamana ehtiyacımız var. Fiziki durum çox da pis vəziyyətdə deyil. Amma tam olaraq komanda çempionata hazır deyil.

- Vəzifəyə təyin olunduqdan sonra Elxan Abdullayevlə əlaqə saxladınız?

-Bir-iki dəfə cəhd elədim. Amma zəng çatmadı. Yəqin ki, oyundan sonra əlaqə saxlayacağıq. Əlini sıxıb halallığını alacağam.

-Mətbuatda belə xəbərlər var ki, fiziki hazırlıq üzrə məşqçini göndərmək istəyirsiz.

- Çox şey yaza bilərlər. Heç vaxt kin saxlayan insan olmamışam. Mənim üçün işçinin, futbolçunun fərqi yoxdu. Sadəcə olaraq burda bir məqam var. "Neftçi" Azərbaycan futbolunun tarixidir. Qız Qalası, Şirvanşahlar sarayı kimi. Burda həmişə dahi futbolçular, məşqçilər olub. Kalesnikovun böyük təcrübəsi yoxdur. Mən də çalışıram ki, fiziki cəhətdən problem varsa, daha səviyyəli məşqçi dəvət olunsun. Yaxın müddətdə fiziki hazırlıq üzrə məşqi dəyişikliyi olacaq. Amma hələ ki, Kalesnikov öz vəzifəsindədir. Başqa məşqçilərlə danışıqlar aparırıq.

- Büdcə ilə bağlı AZAL-dan çox fərq var.

- Yerlə göy qədər fərq var. Heç bir narazılıq ola bilməz. Məni büdcə maraqlandırmır. Mənim tələblərim başqadır. Nə qədər mülayim olsam da, sərt qərarlarım olur. İşdə məsuliyyətsizliyi bağışlamıram. Bu məsələdə məndə insaf yoxdur.

- Özünüz müdafiəçi olmusuz. Bu gün "Neftçi"nin müdafiəsi sizi qane edir?

- Məğlubiyyətdə pay sahibə tək müdafiəçilər deyil. Hamı məsuliyyət daşıyır. Müdafiə hücumdan başlayır. İnamsızlıq qlobal problemə çevrilib. 4 gündür oyunları izləyirəm. Komandanın oyununda xətlərarası anlaşma yoxdur. Müdafiədə də, orta xəttə də, hücumda da problem var. Rəşadı ona görə dəvət etdim ki, müdafiə ilə yarımmüdafiə arasındakı boşluğu dolduraq. Uzun marafonlu yarışı qazanmaq istəyirsənsə, müdafiən mühkəm olmalıdır.

- Qarşınızda hansı məqsəd qoyulub?

- Qışa qədər çox xal qazanmağa çalışacağıq. Qışdan sonra yeni futbolçular cəlb edəcəyik. Çalışacağıq ki, əvvəlki "Neftçi"də olduğu kimi heyətimizə səviyyəli futbolçular cəlb edək. Rəhbərlik bütün səlahiyyəti mənə verib. Bütün problemlərin məsuliyyəti mənə həvalə edlib.

- Böyükağa Hacıyev deyir ki, uğur resepti məndədir. Ondan həmin resepti aldınız?

- Əvvəla Böyükağa müəllimə Allah şəfa versin. İkincisi də heç bir danışığımız olmayıb.

- "Neftçi" 2012/2013-cü il mövsümündə rəhbərliyiniz altında 10 oyunda 21 xal toplamışdı. İndi də bu mümkündür?

- O vaxtla indi arasında çox fərq var. Komandanı yaxşı tanıyırdım. İndi isə cəmi 5 gündü komanda ilə bir yerdəyəm. Konkret neçə xal toplayacağımızı deyə bilmərəm.

- Futbolçulara uğursuzluğa görə cəza nəzərdə tutulub?

- Bəli. Tək uğursuzluğa görə yox, bütün məsələlərdə cəzalarla bağlı kodeksimiz hazırdır. Futbolçu yüksək məbləğdə maaş alırsa, cəzalara hazır olmalıdır.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
16.10.2019
Messi 6-cı dəfə "Qızıl buts"u qazandı
16.10.2019
Fransa əsgər salamının qarşını almaq istədi – Deşam centlmensayağı hərəkət etdi
16.10.2019
UEFA Qurban Qurbanovla bağlı yanlışlığa yol verib
14.10.2019
Usta cüdoçularımız dünya çempionatında 7 medal qazanıblar
14.10.2019
Aprel şəhidlərinin övladları "Qarabağ"ın düşərgəsində - VİDEO