Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6474

Digər sorğular

Azərbaycandan Rusiyaya ixrac edilən 40 tona yaxın kartofda xəstəliyin aşkarlanmasına RƏSMİ MÜNASİBƏT

23:15  |    31 May 2017  |   E-mail  |  Çapa göndər


Kənd Təsərrüfatı Nazirliyi yanında Dövlət Fitosanitar Nəzarəti Xidməti Rusiyaya ixrac edilən 40 tona yaxın kartofda karantin obyekti olan xəstəliyin aşkarlanması barədə məlumatlara rəsmi münasibət bildirib.

Xidmətin rəisi Camal Quliyev Trend-ə deyib ki, adətən, belə hallar olanda Rusiya tərəfi onlara bu barədə operativ məlumat verir:

"Bu barədə Xidmətə heç bir məlumat daxil olmayıb. Bundan əlavə, onun şamil olunduğu nəqliyyat vasitəsi, fiziki və ya hüquqi şəxs haqqında da heç bir məlumat yoxdur. Ona görə də məsələnin doğruluğunu hec cür araşdıra bilmirik. Bir necə dəfə olub ki, Rusiyada bəzi məlumatlar yayılır, amma bizə bu barədə məlumat verilmir, yaxud onlar həqiqəti əks etdirmir, həmin mal da Rusiyadan Azərbaycana geri qaytarılmır. Əgər fakt dəqiq olarsa, bu barədə bizə məlumat veriləcək”.

C.Quliyev deyib ki, digər tərəfdən Rusiya tərəfinin yaydığı məlumatlara görə, onların qeyd etdiyi növ - qızılı kartof nematodu (Globoderа rostochiensis (Wollеnwеber) Behrens) Azərbaycanda aşkar edilməyib:

“Onun Azərbaycanda karantin tətbiq edilən xəstəlik kimi aşkarlanması öz təsdiqini tapmayıb. Ona görə də bu məsələ açıq qalıb. Əgər Rusiya tərəfindən rəsmi müraciət daxil olarsa, nəqliyyat vasitəsinin hərəkəti izlənilməli, onun çıxdığı təsərrüfat müəyyənləşməlidir. Bundan sonra məhsul laboratoriyalara cəlb edilməli və kartofda xəstəliyin olub-olmaması müəyyənləşdirilə bilər. Amma indiki halda, Rusiyanın yaydığı məlumatda nə nəqliyyat vasitəsinin, nə sertifikatın nömrəsi, nə də fiziki, hüquqi şəxsin adı göstərilir. Heç bir məlumat olmadan nəyi isə araşdırmaq qeyri-mümkündür. Elə günlər olur ki, Azərbaycandan Rusiyaya 70-80 maşın kartof ixrac edilir. Bəzən belə maşınların sayı 100-dən artıq olur.”

C.Quliyev bununla belə istisna etmir ki, qızılı kartof nematodu indiyədək Azərbaycanda aşkarlanmasa da, o, Rusiyaya icrax edilən kartoflarda ilk dəfə olaraq, aşkarlana bilər:

“Amma bunu araşdırmaq üçün də məhsulun daşındığı nəqliyyat vasitəsinin, sertifikat nömrəsinin, fiziki, hüquqi şəxsin adı lazımdır. Bu 3 məlumatdan biri bizə təqdim olunarsa, biz həmin məlumatı araşdıra bilərik”.

Qeyd edək ki, Rusiyanın Baytarlıq və Fitosanitar Nəzarəti Federal Xidmətinin Moskva şəhəri, Moskva və Tula vilayətləri üzrə İdarəsinin mətbuat xidmətinin yaydığı məlumata görə, Moskva şəhəri, Moskva və Tula vilayətləri üzrə İdarəsi tərəfindən "Fud Loqistik" MMC-nin şimal-şərq girişində yerləşən fitosanitar nəzarət postunda Azərbaycandan iki avtonəqliyyat vasitəsində daxil olmuş 39,55 ton təzə ərzaq kartofuna baxış zamanı karantin obyekti olan qızılı kartof nematodu (Globodera rostochiensis (Woll.) Behrens.) aşkar edilib. Bununla əlaqədar həmin kartoflar idarə nümayəndəsinin iştirakı ilə məhv ediləcək.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
17.09.2019
“KAMAZ” qaz xəttinin dayaqlarını qopardı
16.09.2019
Stalin bir hərf səhvinə görə bütün redaksiyanı güllələtdirib
13.09.2019
Biləsuvarda bir neçə müəssisənin qaz təchizatı dayandırılıb
13.09.2019
Ucar, Zərdab, Cəlilabad və Lənkəranda qaz təchizatı dayandırılıb
12.09.2019
“Məişət zorakılığına qarşı mübarizəyə ictimai dəstək” adlı layihənin icrasına başlanıb