Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6568

Digər sorğular

Afaq Məsud TÜRKSOY-un medalına layiq görüldü

17:12  |    22 Aprel 2015  |   E-mail  |  Çapa göndər

Bu gün “JV Marriott Absheron” ötelində 23 aprel – Ümumdünya Kitab və Müəlliflər Hüququ Gününə həsr olunmuş “Müəllif və riyakarlıq, kitab və yalan” (erməni tarixi saxtakarlıqları silsiləsindən) mövzusunda konfrans keçirilib.

Trendin məlumatına görə, konfransı Azərbaycan Müəllif Hüquqları Agentliyinin sədri Kamran İmanov açıb. O erməni mifomaniyası haqqında danışaraq bədnam qonşularımızın beynəlxalq rəyi çaşdırmaq niyyətindən söz açıb: “Bu gün erməni siyasəti tarixi saxtalaşdırmağa cəhd edir, diasporları bu yöndə fəaliyyət göstərirlər. Qondarma “erməni soyqırımı” iddiasının geniş vüsət almasının, tarixi saxtalaşdırılması cəhdlərinin qarşısının alınması bu gün hər birimizin strateji missiyası olmalıdır”.

Sonra YUNESKO üzrə Azərbaycan Respublikası Milli Komissiyasının baş katibi Günay Əfəndiyeva müəlliflik hüquqları sahəsində YUNESKO-nun gördüyü əhəmiyyətli işlərdən söz açıb.

Mədəniyyət və turizm nazirinin birinci müavini Vaqif Əliyev bu gün bir sıra dünya ölkələrinin heç bir tarixi araşdırma aparılmadan, tarixşünaslıq elminin mənbələrinə söykənmədən, qondarma “erməni soyqırımı”nı dəstəkləməsindən söz açaraq bu bədnam siyasətlə mübarizənin vacibliyini vurğulayıb.

Tədbirdə təhsil nazirinin müavini Firudin Qurbanov, Milli Təhlükəsizlik Nazirliyinin Aparat rəhbəri, general-mayor Fərhad Vahabov çıxış edərək ölkəmizin Qarabağ həqiqətlərinin təbliğatı istiqamətində hər kəsi daha sıx birləşməyə, daha əsaslı işlər görməyə səsləyiblər. Konfransda TÜRKSOY-un katibi Düsen Kaseinov türkdilli ölkələrin münasibətləri, Azərbaycan və Qarabağ həqiqətləri haqqında geniş çıxış edərək türkdilli ölkələrarası əlaqələrin möhkəmlənməsi istiqamətində görülən işlərdən danışıb.

Tədbirin sonunda ölkələr arasında ədəbi-mədəni əlaqələrin qurulması istiqamətində xidmətlərinə görə, Nazirlər Kabineti yanında Tərcümə Mərkəzinin direktoru, yazıçı Afaq Məsud, Azərbaycan Müəllif Hüquqları Agentliyinin sədri K.İmanov və Azərbaycan Yazıçılar Birliyinin katibi, şair Fikrət Qoca TÜRKSOY-un medalı ilə təltif ediliblər.

Tədbir iştirakçılarına “Tərcümə Mərkəzinin kitabları” seriyasından nəşr edilən Oljas Süleymenovun “Az-Ya” kitabı hədiyyə edilib.

Qeyd edək ki, ölkəmizdə 23 aprel – Ümumdünya Kitab və Müəlliflik Hüququ Günü 1995-ci ildən, 26 Aprel – Beynəlxalq Əqli Mülkiyyət Günü isə 2001-ci ildən etibarən hər il qeyd olunur.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
19.11.2019
Fərqanə Qasımova da “Sığmazam”ı oxudu - VİDEO
18.11.2019
2 milyon şəxsi "zir-zibil" adlandırmışdı - Tünzalə ittihamlara cavab verəcək
18.11.2019
Anarın qəribə yuxusu: Sabitoğlunun qəfil ölümü... - 8 fakt
14.11.2019
“Konsertimə gəlmədilər, 20 min borca düşdüm” - Könül Xasıyeva
12.11.2019
M.Ə.Sabirin “Hophopnamə” kitabının audio versiyası hazırlanıb