Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6900

Digər sorğular

Elxan Məmmədovun UEFA İcraiyyə Komitəsinə namizədlik broşürü təqdim olunub

19:50  |    16 Mart 2017  |   E-mail  |  Çapa göndər

AFFA-nın baş katibi Elxan Məmmədovun UEFA İcraiyyə Komitəsinə namizədlik broşürü təqdim olunub.

"Report"un məlumatına görə, E.Məmmədov namizədliyinin əsaslarında innovasiya, praqmatizm, komanda işi və nəticənin təsvir olunduğunu bildirib.

O, milli assosiasiyadakı 9 illik fəaliyyətindən sonra avropalı həmkarları ilə sıx əməkdaşlıq edərək, qitə futbolundan əldə etdiyi bacarıq və biliklərlə futbolu daha da irəli aparmaq, inkişaf etdirmək istədiyini vurğulayıb: "Meydanda komandanın tamamlayıcı rol, bacarıq və təcrübə vəhdətinə ehtiyacı olduğu kimi mən də UEFA İcraiyyə Komitəsinə tamamlayıcı keyfiyyətlər gətirəcəyəm. Bütün Avropada futbolun əhatə olunması və əlçatan olmasına yardım edəcək, eləcə də həlli vacib bir çox problemləri həll edəcək kollektiv gücü məhz budur.

Mən bütün səviyyələrdə Şərqi Avropanın təmsil olunmasının, həmçinin qadın futbolunun inkişafı və xüsusilə məhdud vəsaitə malik olan üzv assosiasiyalar da daxil olmaqla, bütün Avropada rəqabətliliyin artırılmasında regional irəliləyişin tərəfdarıyam. Birlikdə biz oyunun ən yüksək şəffaflıq standartlarını təmin etmək üçün fəaliyyətimizi davam etdirməliyik. Birgə çalışaraq, Avropa futbolunu yeni davamlı inkişaf və yüksəliş dövrünə apara bilərik. Bununla da sevdiyimiz bu gözəl oyunu daha da şöhrətləndirərik".

Qeyd edək ki, UEFA İcraiyyə Komitəsinə seçkidə 8 yer uğrunda 13 namizəd mübarizə aparacaq. Seçki Avropa futbol qurumunun aprelin 5-də Finlandiyanın paytaxtı Helsinkidə keçiriləcək Konqresində olacaq.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
05.06.2020
Ronaldu ilk milyarder futbolçu oldu
05.06.2020
Azərbaycanın yarım milyonunu mənimsəyib
29.05.2020
Operativ Qərargah idman zallarının açılmamasına aydınlıq gətirib
29.05.2020
Azərbaycanda açıq havada keçirilən idman yarışlarına icazə verildi, amma...
27.05.2020
Ukrayna çempionu intihar etdi