Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6711

Digər sorğular

Azərbaycan-Sinqapur biznes forumu keçirilib

20:55  |    17 Aprel 2015  |   E-mail  |  Çapa göndər

Bu gün Bakı Biznes Mərkəzində İqtisadiyyat və Sənaye Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə Azərbaycan-Sinqapur Biznes Forumu keçirilmişdir.

Nazirlikdən Qaziler.az-a verilən xəbərə görə, tədbirdə hər iki tərəfdən İKT, logistika, əczaçılıq, neft-mədən sənayesi avadanlığı, generator, metallurgiya, elektroenergetika, beton hazırlama avadanlıqlarının istehsalı, dənizdə tikinti işlərinin aparılması və digər sahələrdə fəaliyyət göstərən 50-dən çox iş adamı iştirak etmişdir.

Biznes forumda AZPROMO-nun rəhbəri Rüfət Məmmədov Azərbaycanda uğurla həyata keçirilən sosial-iqtisadi siyasət nəticəsində ölkəmizin qazandığı iqtisadi uğurlar barədə məlumat vermiş, Azərbaycanın xarici investisiyalar üçün əlverişli və cəlbedici ölkə olduğunu vurğulamışdır. Rüfət Məmmədov sinqapurlu iş adamlarını azərbaycanlı həmkarları ilə fəal əməkdaşlığa dəvət etmişdir.

Sinqapur nümayəndə heyətinin rəhbəri, “Kenetics Innovations” şirkətinin icraçı direktoru Ken Vong ölkəsinin iş adamları arasında sürətlə inkişaf edən Azərbaycan iqtisadiyyatına marağının böyük olduğunu bildirmiş, iki ölkə sahibkarları arasında əməkdaşlığın genişləndirilməsi, eləcə də yeni əlaqələrin qurulması baxımından iki tərəfli görüşlərin və biznes forumların əhəmiyyətini diqqətə çatdırmışdır.

AZPROMO-nun nümayəndəsi Natiq Mədətovun Azərbaycanın biznes mühiti və investisiya imkanlarına dair, Sinqapur Ticarət və Sənaye Nazirliyinin nümayəndəsi Aries Teonun Sinqapurun iqtisadiyyatı və biznes mühitinə dair təqdimatları maraqla qarşılanmışdır.

Sonra “Akkord” Sənaye Tikinti İnvestisiya Korporasiyası baş direktorunun müavini Samir Qasımov şirkətin fəaliyyəti haqqında təqdimatla çıxış etmişdir.

Biznes forum iş adamları arasında əməkdaşlıq imkanlarının müzakirə edildiyi ikitərəfli görüşlərlə davam etdirilmişdir.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
24.02.2020
Bakı səmasında QƏRİBƏ HADİSƏ - Sunamiyə bənzəyir - REAL FOTOLAR
24.02.2020
İqtisadiyyat Nazirliyinə yeni səlahiyyət verildi - FƏRMAN
22.02.2020
Neftçalanın sabiq icra başçısı və digərləri barəsində həbs qətimkan tədbiri seçilib - YENİLƏNİB
22.02.2020
Yeni şəffaf sayğac qutuları quraşdırılacaq
21.02.2020
Prezident Romada Azərbaycan-İtaliya biznes forumunda iştirak edib