Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6898

Digər sorğular

Avropa Parlamentində “Bakı-2015”in təqdimatı oldu

00:59  |    17 Aprel 2015  |   E-mail  |  Çapa göndər

Avropa Parlamentində “Bakı-2015” ilk Avropa Oyunlarının təqdimatı keçirilib.

Qol.Az-ın AZƏRTAC-a istinadən yaydığı xəbərə görə, tədbirin təşkilində Avropa İttifaqının Bolqarıstandan olan deputatı İlhan Küçük xüsusi fəallıq göstərib.

Mərasimdə gənclər və idman naziri, Avropa Oyunları Əməliyyat Komitəsinin baş icraçı direktoru Azad Rəhimovun rəhbərlik etdiyi nümayəndə heyəti, Avropa Parlamentinin idman məsələləri üzrə məsul komitəsi olan “İntersport” qrupunun rəhbəri, belçikalı deputat Mark Tarabella, digər siyasi partiyaların üzvləri, Avropa institutlarının, KİV-lərin, eyni zamanda, Brüsseldə akkreditə olunmuş diplomatik korpusun təmsilçiləri iştirak ediblər.

Azad Rəhimov tədbirdə məruzə ilə çıxış edərək “Bakı– 2015” ilk Avropa Oyunlarına hazırlıq prosesindən, görülmüş işlərdən və Oyunların ilk dəfə məhz Azərbaycanda keçirilməsinin əhəmiyyətindən danışıb. Nazir Azərbaycanın belə mötəbər idman tədbirinə ilk dəfə ev sahibliyi etməkdən qürur hissi keçirdiyini diqqətə çatdırıb.

Avropa Xarici Xidmət Fəaliyyətinin nümayəndəsi Kris Kendal Azərbaycan - Avropa İttifaqı münasibətlərindən bəhs edərək ölkəmizin ilk Avropa Oyunlarına ev sahibliyi etməsinin gözəl təcrübə olacağını vurğulayıb.

Sonra müzakirələr aparılıb, iştirakçıları maraqlandıran suallar cavablandırılıb. Azad Rəhimov və digər məruzəçilər Azərbaycanın “Bakı-2015”dən sonra IV İslam Həmrəyliyi Oyunlarına ev sahibliyi etməsi, Oyunlarla bağlı Avropanın daha yaxşı məlumatlandırılması üçün ev sahibinin görəcəyi tədbirlər, bu mötəbər yarışın Azərbaycan cəmiyyətinə töhfəsi və digər məsələlər barədə suallara aydınlıq gətiriblər.

Tədbirdə ilk Avropa Oyunları ilə bağlı videoçarx nümayiş etdirilib. Azərbaycanda yaradılmış çoxfunksiyalı, müasir idman infrastrukturu tədbir iştirakçılarının böyük marağına səbəb olub.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
05.06.2020
Azərbaycanın yarım milyonunu mənimsəyib
29.05.2020
Operativ Qərargah idman zallarının açılmamasına aydınlıq gətirib
29.05.2020
Azərbaycanda açıq havada keçirilən idman yarışlarına icazə verildi, amma...
27.05.2020
Ukrayna çempionu intihar etdi
26.05.2020
Həbib Nurməhəmmədov koronavirus testindən imtina etdi