Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6567

Digər sorğular

Yaxınları ölən azərbaycanlıların meyitlərini tanıyıblar

22:15  |    07 Aprel 2015  |   E-mail  |  Çapa göndər

Saxalindəki Azərbaycan diasporunun rəhbəri: “Yaxınları batan gəmidə ölən azərbaycanlıların meyitlərini tanıyıblar”

Ümumrusiya Azərbaycan Konqresinin Saxalin vilayəti üzrə rəhbəri Nazir Hətəmov Oxot dənizində batan “Uzaq Şərq” balıqçı gəmisinin xilas olunan azərbaycanlı heyət üzvü, hazırda Saxalin Vilayət Xəstəxanasının Pulmonologiya şöbəsində müalicə olunan İmaməddin Sadıqova baş çəkib.

N. Hətəmov APA-ya açıqlamasında bildirib ki, batan gəmidə xilas olunanlardan birinin - Muradəli Talıbovun vəziyyəti ağırdır: “Digərlərinin vəziyyəti isə normaldır. Xilas olunanlardan üç nəfəri Saxalinə gətirilib, bir nəfər - Elman Əliyev Maqadanda xəstəxanaya yerləşdirilib”.

Diaspor rəhbəri Saxalin vilayətinin qubernatoru Oleq Kojemyako ilə görüşdüyünü də söyləyib: “Xilas olunanları və ölənləri daşıyan “Andramed” gəmisi bu gün saat 10:00 radələrində Korsakov limanına çatıb. Saxalin qubernatoru Oleq Kojemyako, gəmidə olan insanların yaxınları gəmini qarşılamağa gəlmişdilər. Biz də Azərbaycan diasporu olaraq oradaydıq. Saxalin qubernatoru bizimlə söhbətində xilas olunan və həyatlarını itirən azərbaycanlılarla maraqlandı. Əllərindən gələn köməyi edəcəklərini söylədi”.

N. Hətəmov ölən azərbaycanlıların qohumlarının meyitlərə baxış keçirdiyini bildirib: “Yaxınları meyitləri tanıdılar. Hazırda cəsədlər morqdadır. Onların Azərbaycana göndərilməsi ilə məşğuluq”.

Qeyd edək ki, Oxot dənizində “Uzaq Şərq” adlı balıqçı gəmisinin batması barədə məlumat aprelin 1-də Moskva vaxtı ilə saat 23.39-da daxil olub. Maqadan şəhərindən 300 km aralıda batan gəmidən SOS siqnalı gəlməyib. Gəminin 132 nəfərdən ibarət heyətinin 78-nin Rusiya, 54-nün isə başqa ölkələrin vətəndaşları olduğu bildirilib. Qəza nəticəsində 56 nəfərin öldüyü, 13 nəfərin itkin düşdüyü açıqlanıb. Gəminin heyəti arasında 7 nəfər azərbaycanlıdan dördü - Mayılağa Talıbov, Elman və Yaşar Əliyev qardaşları, İmaməddin Sadıqov xilas ediliblər. Digər üç nəfər - Məhəmməd Səfərov, Muradəli Məhərrəmov və Fazil Şəkərov isə boğularaq ölüblər.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
19.11.2019
Ermənilər Rusiyada etiraza qalxdılar – Rusiyaya qarşı!..
19.11.2019
Almaniyadan İrandakı aksiyalarla bağlı çağırış
19.11.2019
Sarkisyan Aprel döyüşlərinə görə sorğu-sual ediləcək
18.11.2019
Nurməhəmmədovun atası ikinci dəfə evlənir: "Üçüncünü hələ bilmirəm"
18.11.2019
Rusiya saxladığı 3 gəmini Ukraynaya təhvil verib