Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6654

Digər sorğular

Həkim, müəllim köməyə gəldi, amma yağış imkan vermədi

19:00  |    18 Oktyabr 2016  |   E-mail  |  Çapa göndər

Havanın kəskin soyuması və aramsız yağan yağışlar pambıq yığımını yubadır. Yığımın yubanması isə,təbiiki, məhsulun keyfiyyətinə təsirsiz ötüşməyəcək.

Bəs pambıq istehsalı ilə bağlı proqnozlara əməl etmək mümkün olacaqmı? Pambığın keyfiyyətinin aşağı düşməsindən fermerlərə ziyan dəyəcəkmi?

Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev virtualaz.org saytına bildirib ki, aramsız yağışlar yığımı yubatsa da, məhsuldarlığa təsir etməyəcək. “Yağış nə məhsuldarlığa, nə də keyfiyyətə təsir etməyib”, - Hacıyev deyib.

İndiyədək 38,5 min ton pambıq yığılıb. Murtuzəli Hacıyev deyib ki, fermerlərdən zərərlə bağlı şikayətlər daxil olmayıb.

Kənd Təsərrüfatı Nazirliyindən bildirirlər ki, bu il 100 min ton pambıq istehsal ediləcəyi proqnozlaşdırılıb. Ötən il isə Azərbaycanda cəmi 35 min ton pambıq yığılmışdı. Bu il əkin sahələri də artırılıb. Hazırda 51 min 785 hektar sahədə pambıq əkilib.

Kənd təsərrüfatı üzrə ekspert Vahid Məhərrəmov isə havanın kəskin dəyişməsinin həm yığıma, həm də keyfiyyətə təsir edəcəyini düşünür. “Yağışlar pambığın yığım müddətini uzadır. Yığım müddətinin uzadılması isə keyfiyyətə təsir edir. Yetişməyən qozalar tam yetişmir. Bundan başqa, pambıq yağışlı və nəm havada yığılarsa, qısa müddətdə intensiv qurudulmalıdır. Amma emal müəssisələrində buna şərait yoxdur. Pambığın qurudulması uzun müddət uzanırsa, lifin keyfiyyəti pisləşir. Keyfiyyətsiz mahlıcdan keyfiyyətli parça istehsal etmək mümkün olmadığından bu cür pambıq dünya bazarında tələb olunmur”, - V.Məhərrəmov deyir.

İqtisadçı alim Qubad İbadoğlu da yağışın pambığa vurduğu zərərdən danışıb: “Yağış dəymiş, nəm çəkmiş pambıq həm keyfiyyət, həm də qiymət rəqabətində uduzur. Sovetlər dönəmində pambıq yığımı oktyabradək yekunlaşırdı. Pambığın vaxtında yığılması üçün əmək və texniki resurslar çatışmır. İkincisi, bır sıra rayonlarda pambıq vaxtında - apreldə deyil, mayda əkildiyindən hələ də qozalar açılmayıb”.

Qeyd edək ki, rayonlarda həkim, müəllim və digər peşə sahiblərinin pambıq yığımına cəlb edilməsi mətbuatda və sosial şəbəkələrdə müzakirə olunmuşdu. Rayon icra hakimiyyətləri isə yığımın yubanmaması üçün fermerlərə yardım edildiyini təsdiqləmişdi.

Onu da xatırladaq ki, bu il pambıq istehsalı və emalı müəssisələri satınalma qiymətini artırıb.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
29.12.2019
Almaniyada 31 avroya satılan nişanı BNA 1840 manata alıb?- Rəsmi açıqlama
29.12.2019
İlin ən yaxşı idman federasiyası məlum oldu - FOTO
26.12.2019
İşdən çıxarılan həkimin şok səs yazısı: “Mən elə şərəfsiz köpək oğlunun...”(AUDİO)
16.12.2019
Prezident İlham Əliyev 2020-ci il dövlət büdcəsini təsdiqləyib
14.12.2019
Yol qəzaları səbəbindən bu rayonlarda qaz təminatı müvəqqəti olaraq dayandırılıb