Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6716

Digər sorğular

Əli İnsanovun atasının Səməd Vurğuna yazdığı məktubu tapıldı – FOTO

17:41  |    02 Aprel 2015  |   E-mail  |  Çapa göndər

Binnət İnsanov: “...müraciət edib, kömək istəyirəm”

AMEA Əlyazmalar İnstitutunun Şəxsi Arxivlər Fondunda bir çox ziyalılarımızın şəxsi işləri saxlanılır. Xalq şairi Səməd Vurğuna aid qovluqda isə şairə məxsus müxtəlif sənədlər mövcuddur. Qaziler.az saytına daxil olan belə sənədlərdən biri də 1948-ci ildə Ermənistanın Noyanberyan rayonunun Ləmbəli kəndində yaşayan Binnət İnsanov tərəfindən Səməd Vurğuna yazılmış məktubdur. Qeyd edək ki, Binnət İnsanov sabiq Səhiyyə naziri Əli İnsanovun atasıdır.

“Möhtərəm Səməd!

Sizə səmimi salamlarım təbiidir. Mən Sizdən çox üzr istəyirəm, ona görə ki, indiyədək biz şəxsən tanış deyilik. Mən çox arzu edirəm ki, Sizin yanınıza gəlim, lakin işdən məni buraxmırlar.

Əziz Səməd, yəqin ki, Siz Ermənistanda yaşayan azərbaycanlıların Azərbaycana köçürülməsi haqqında çoxdan xəbərdarsınız. Bu məsələ barədə xalanız oğlu Hüseynalı Sizə məlumat verib və mən də müraciət edib, kömək istəyirəm.

Mən Ermənistanın Noyanberyan rayonunun Ləmbəli kəndində kolxoz sədri işləyirəm. İndi bizim kəndi 1948-ci ilin sonuna kimi Azərbaycana köçürürlər. Ancaq hansı ayda və hansı rayona köçürülməsi məlum deyil. Odur ki, bu məsələnin həlli haqqında mən Bakıya gələsi idim, məni buraxmadılar.

Ona görə də Sizdən bir xahiş eləmək istəyirəm. Verəcəyim zəhmətə görə məni bağışlayın.



Əzizim Səməd! Bizə kömək elə ki, köçəcəyimiz yer - rayon bizim iqlimə uyğun olsun. Məsələn: Qazağa, Ağstafaya, ya da Şəmkirə. Mənim fikrimcə bu rayonlarda bizim camaat uyğunlaşa bilər. Xahiş edirəm, bizim məsələ haqqında lazımi orqanlarla danışıb mümkün qədər kömək edəsiniz.

Məndən salam olsun Mehdixana, Yusifə, Vaqifə və bütün qohumlara. Hələlik, sağlıqla qalın.

Salamlarla Binnət İnsanov

QAZİLER.AZ
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
26.02.2020
Sui-qəsddən qurtulub, sevgidən ölən İsmayılın sirri – Şəhid ziyalı
19.02.2020
“Nə Xan Şuşinskinin, nə də Üzeyir bəyin əsərlərini çörəyə bağlamaq mümkün deyil...”
12.02.2020
Moskvada Müslüm Maqomayevin xatirəsinə həsr olunmuş konsert keçiriləcək
11.02.2020
Bakılı rejissorun Oskar mükafatı qazanmış filminin premyerasından 40 il ötür
04.02.2020
Xalq artisti səhhətindən danışdı: “90 yaşlı adam necə olar?”