AZİLƏR

Qazaxda yerləşən Avey Dövlət Mədəniyyət Qoruğunun ərazisində, Damcılı mağarasında aparılan arxeoloji qazıntılar zamanı 7 min il əvvəl neolit dövrünə aid alətlər aşkarlanıb.

AMEA-nın mətbuat xidmətindən Lent.az-a verilən məlumata görə, Yaponiyalı və yerli arxeoloqların birgə işlədiyi ərazidə 4 metr dərinliyində qazıntı işləri aparılarkən bu yerin qədim insan məskəni olması bir daha təsdiqlənib. Damcılıda tapılan maddi-mədəniyyət nümunələrinin neolit dövrünə aid olmasının təsdiqlənməsi üçün Yaponiya laboratoriyalarına göndəriləcək.

Qoruğun direktoru Səadət Əliyeva bildirib ki, bir neçə ildir Tovuzda Göytəpə, Hacıələmxanlı və digər qədim yaşayış məskənlərində arxeoloji qazıntılar aparan yaponiyalı mütəxəssislər Tovuz və Qazaxın yaxın olmasını və buradan tapılan alətlərin daha qədim olduğunu düşünürlər.

Yaponiyalı arxeoloq Yoşihiro Nişiaki Damcılıda arxeoloji qazıntılar zamanı elmə yararlı kifayət qədər materiallar əldə etdiklərini vurğulayıb: “ Məqsədimiz ərazinin qədim insan məskəni olmasını təsdiqləmək, bundan başqa neolitdən əvvəlki dövrlərə aid maddi sübutlar əldə etməkdir. Qazıntılar zamanı buna nail ola bildik”.

Qeyd edək ki, Damcılıda ilkin mərhələdə aparılan qazıntılar yekunlaşıb. Növbəti ildən yapon və yerli arxeoloqlar daha geniş ərazidə tədqiqat işlərinə start verəcəklər.





 

02.07.2020	Müdaxilə ehtimalı olan qaz sayğaclarının yoxlama prosesi necə aparılır?
02.07.2020	Bilet almış şəxslərə necə icazə veriləcək? - AÇIQLAMA
02.07.2020	Bütün ölkə ərazisində 5 nəfərdən artıq qruplarda cəmləşmək qadağan edilir
02.07.2020	Bakıda metronun fəaliyyəti dayandırılır
02.07.2020	Şəxs yaşayış yerini və olduğu yeri yalnız bu şərtlə tərk edə bilər