Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6475

Digər sorğular

Hacıqabulda 8 nəfər birləşib 1 nəfəri öldürdü - QAN DÜŞMƏNÇİLİYİ

19:57  |    20 Avqust 2016  |   E-mail  |  Çapa göndər


Hacıqabulda baş vermiş dəhşətli qətlin yeni təfərrüatları üzə çıxıb.

Trend-in Region TV-yə istinadən verdiyi məlumata görə, qan düşmənçiliyi zəminində qohumları tərəfindən qətlə yetirilən şəxsin Rusiya vətəndaşı olduğu məlum olub.

Mərhumun qohumlarının bildirdiyinə görə, əslən Kolanı kəndindən olan Rusiya vətəndaşı, 46 yaşlı Cahangir Şirəliyev bıçaq, dəmir ling və digər küt alətlərlə silahlanmış 8 nəfər tərəfindən ata yurdunda döyülərək xüsusi amansızlıqla qətlə yetirilib. Kəllə-beyin travması, bədəninin müxtəlif nahiyələrindən çoxsaylı zərbələr və 4 bıçaq yarası alan C.Şirəliyev hadisə yerində dünyasını dəyişib.

Qətlə yetirilən şəxsin həyat yoldaşı Fəridə Şirəliyeva ərinin son nəfəsində ona zəng edərək 29 saniyə danışdığını bildirib və onun kimlər tərəfindən döyüldüyünü ona deyib: "Məni Davud, Rövşən, Natiq (Ədilovlar) və onların uşaqları döyüblər, qanın içindəyəm, ölürəm, atana de, məni xəstəxanaya çatdırsın".

Daha sonra səs kəsilib. Son anda köməyə gələn qohumu artıq C.Şirəliyevin öldüyünü görüb.

Qətldə iştirak edənlərdən biri - başından yaralanaraq Hacıqabul rayon xəstəxanasına yerləşdirilən Davud Ədilovun keçmiş Milli Təhlükəsizlik Nazirliyinin sabiq əməkdaşı olduğu bildirilir. Qətlin onun tərəfindən, ötən ilin avqust ayında öldürülən qardaşı oğlu Habil Ədilovun intiqamını almaq məqsədilə planlaşdırıldığı qeyd olunur.

C.Şirəliyevi qətlə yetirməyi planlaşdıran qohumlar onu aldadaraq kəndə barışmaq üçün çağırıblar. Əslində isə onların fikiri barışıq yox, Cahangiri məhz mərhum H.Ədilovun ölümünün ildönümü ərəfəsində (avqust ayında) qətlə yetirmək olub.

Aralarında düşmənçilik olduğundan ailəsi ilə kənddəki evlərini tərk edən C.Şirəliyev artıq bir il idi ki, Şirvanda yaşayırdı. Ədavəti davam etdirən Ədilovlar isə Şirəliyevlərin ata evlərini dağıdaraq xarabazara çeviriblər.

Qeyd edək ki, qətlə yetirilən şəxsin atası Kolanı kənd sakini, 82 yaşlı Sərhəd Səhət oğlu Şirəliyev ötən il avqust ayında qohumu, 45 yaşlı Habil Nəcəf oğlu Ədilovu ov tüfəngi ilə öldürüb.

Hadisə ilə əlaqədar bir neçə nəfər istintaqa cəlb edilib. Hüquq-mühafizə orqanlarının verdiyi məlumata görə, hələlik faktla bağlı bir nəfər - mərhum Habil Ədilovun azyaşlı oğlu, 17 yaşlı Nəcəf Ədilov saxlanılıb.

Faktla bağlı Hacıqabul rayon prokurorluğunda cinayət işi açılıb, araşdırma aparılır.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
26.05.2019
“Sizin başınızı daşla əzəcəyik!...” - İrəvandakı mitinqdə qarabağlılar hədələdi
12.08.2018
Xəzərin hüquqi statusu haqqında Konvensiya imzalandı - FOTOLAR,VİDEO
05.08.2018
İran professorundan şok şərh
31.07.2018
Rusiyanın Gümrüdəki bazasında dava: Yaralılar var
28.07.2018
Paşinyan: “Türkiyə ilə şərtsiz əlaqələr qurmağa hazırıq” - Sensasiyalı müsahibə