Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6705

Digər sorğular

Tahir Salahov Fransanın “Şərəf Legionu” ordeni ilə təltif edilib

20:54  |    18 Mart 2015  |   E-mail  |  Çapa göndər

Azərbaycanın xalq rəssamı, dünya şöhrətli sənətkar Tahir Salahov Fransa prezidentinin sərəncamı ilə “Şərəf Legionu” ordeninin zabit dərəcəsi ilə təltif edilib.

APA-nın AZƏRTAC-a istinadən verdiyi məlumata görə, bu münasibətlə İçərişəhərdə, Tahir Salahovun ev muzeyində təqdimat mərasimi keçirilib.

Hökumət rəsmilərinin, Bakıdakı diplomatik korpusun nümayəndələrinin, tanınmış elm və mədəniyyət xadimlərinin iştirak etdiyi tədbirdə çıxış edən Fransanın ölkəmizdəki səfiri Paskal Menye bildirib ki, T.Salahov öz əsərləri ilə Qərb və Şərq arasında körpü yaradan sənətkarlardandır. O, özünəməxsus tərzdə - boyaların dili ilə Fransa xalqının da qəlbini fəth edib. Rəssam Parisdə təşkil edilən sərgilərində Azərbaycan xalqının malik olduğu yüksək mədəni dəyərləri bir daha qərb tamaşaçılarının diqqətinə çatdırıb.

Diplomat deyib ki, sənətkarın əsərlərinə qiymət verən fransız modelyeri Pyer Kardin öz məqaləsində rəssamı tarixdə böyük iz qoyacaq sənətkar kimi dəyərləndirərək, onun əsərlərində xüsusi bir reallıq olduğunu vurğulayıb.

“Biz bu yüksək mükafatı Tahir Salahova Fransada təqdim etmək niyyətində idik. Lakin sənətkar israrla burada, Bakıda təqdim olunmasını istədi. Bu, bir daha onun doğma yurda bağlılığını, Azərbaycana sevgisini göstərir”, - deyə o vurğulayıb.

Səfir Fransanın ən yüksək hərbi və mülki dövlət mükafatı olan “Şərəf Legionu” ordenini T. Salahova təqdim edib.

Öz növbəsində T. Salahov səfirə və Fransa dövlətinin başçısına minnətdarlığını bildirib: “İlk dəfə 1963-cü ildə Fransada təşkil edilən sərgidə gənc rəssam kimi iştirak etməyimə baxmayaraq əsərlərim sevildi. Dünya şöhrətli bəstəkar Qara Qarayevin portreti xüsusi maraqla qarşılandı”, - deyə o qeyd edib.


Sənətkar bildirib ki, bu gün məhz burada toplaşmağımıza səbəb Bakının ürəyi sayılan qədim İçərişəhərdir. Çünki İçərişəhərdə M.Lermontov, A.Düma, M.Rostropoviç, P.Kardin kimi neçə-neçə bənzərsiz söz və incəsənət xadimləri olub. Bu baxımdan da təqdimatın burada təşkili mənim üçün olduqca əhəmiyyətlidir. Sonda bütün iştirakçılara minnətdarlığını bildirən T. Salahov bu mükafatı təkcə özünə yox, bütövlükdə Azərbaycan təsviri sənətinə verilən yüksək qiymət kimi dəyərləndirib.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
19.02.2020
“Nə Xan Şuşinskinin, nə də Üzeyir bəyin əsərlərini çörəyə bağlamaq mümkün deyil...”
12.02.2020
Moskvada Müslüm Maqomayevin xatirəsinə həsr olunmuş konsert keçiriləcək
11.02.2020
Bakılı rejissorun Oskar mükafatı qazanmış filminin premyerasından 40 il ötür
04.02.2020
Xalq artisti səhhətindən danışdı: “90 yaşlı adam necə olar?”
04.02.2020
Polad Bülbüloğlu: “Qələbə marşını özüm yazacağam”