Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6888

Digər sorğular

AÇ-2016: Mariya Stadnik 5 qat Avropa çempionu oldu

03:55  |    09 Mart 2016  |   E-mail  |  Çapa göndər


Latviyanın paytaxtı Riqada güləş üzrə böyüklər arasında Avropa çempionatı start götürüb.

Azərbaycan Güləş Federasiyasından Trend-ə verilən məlumata görə, yarışların ilk günündə 57 və 86 kq çəkidə sərbəst, 48 və 63 kq çəkidə qadın güləşçilər mübarizə aparıb.

Qadın güləşi üzrə yığmamızın kapitanı Mariya Stadnik (48 kq) finala qədər bütün rəqiblərini mübarizədən kənarlaşdırıb. Əvvəlcə Ukrayna təmsilçisi Oleksandra Kogutu, ardınca Rusiya təmsilçisi Valentina İslamovanı, yarımfinalda isə Bolqarıstandan Elitsa Yakonvanı tam üstünlüklə məğlub edərək finala yüksəlib. Finalda güləşçimizin rəqibi Rumıniya təmsilçisi Emilia Vuc olub. Rəqibinə heç bir şans verməyən Mariya Stadnik növbəti dəfə Avropa çempionu adına sahib olub. Xatırladaq ki, Mariya bu günədək 4 dəfə (2008, 2009, 2011, 2014) Avropa çempionu, ötən il isə ilk Avropa Oyunlarının qalibi olub.

Sərbəst güləş üzrə yarışlarda 86 kq çəki dərəcəsində mübarizə aparan təmsilçimiz Aleksandr Qostiyev də finala qədər bütün rəqiblərindən üstün olub. İlk rəqib Polşadan olan Zbiqnev Baranovski güləşçimizlə görüşə çıxmayıb. Ardınca London Olimpiadasının bürünc medalçısı gürcü Dato Marsaqişvilini üstələyən Qostiyev yarımfinalda Belarus təmsilçisi Aliaksandr Huştini məğlub edib. Finalda güləşçimizin rəqibi Rusiyadan Şamil Kudiamaqomedov olacaq.

57 kq çəkidə mübarizə aparan güləşçimiz Mahir Əmiraslanov ilk görüşdə Latviya təmsilçisi Eduards Kucepalovsdan üstün olub. Ardınca Ukrayna təmsilçisi Andriy Yatsenkoyla gərgin keçən görüşdə minimal hesabla məğlub olan Mahir rəqibin finala çıxması ilə təsəlliverici görüşə qatılıb. Almaniyadan Marcel Evald üzərində qazandığı qələbə güləşçimizə bürünc medal şansı verib. Həlledici görüşdə Mahir Əmiraslanovun rəqibi Rumıniyadan Andrey Dukov olub. Ancaq güləşçimiz görüşü uduzub və çempionatı 5-ci sırada tamamlayıb.

48 kq

1/8 final - Mariya Stadnik - Oleksandra Kogut (UKR) 10:0

1/4 final - Valentina İslamova (RUS) - Mariya Stadnik 2:5

1/2 final - Mariya Stadnik - Elitsa Yankova (BUL) 9:0 (tuşe)

FİNAL - Emilia Vuc (ROU) - Mariya Stadnik 0:10

57 kq

1/8 final - Mahir Əmiraslanov - Eduards Kucepalovs (LAT) 11:1

1/4 final - Andriy Yatsenko (UKR) - Mahir Əmiraslanov 9:8

Təsəlliverici görüş - Marcel Evald (GER) - Mahir Əmiraslanov 0:3

Bürünc medal görüşü - Mahir Əmiraslanov - Andrey Dukov (ROU) 2:12

86 kq

1/8 final - Zbiqnev Baranovski (POL) - Aleksandr Qostiyev 0:3 (rəqib görüşə çıxmayıb)

1/4 final - Dato Marsaqişvili (GEO) - Aleksandr Qostiyev 3:4

1/2 final - Aleksandr Qostiyev - Aliaksandr Huştin (BLR) 3:1

FİNAL - Şamil Kudiamaqomedov (RUS) - Aleksandr Qostiyev

Yarışları aşağıdakı linkdən canlı izləmək mümkündür.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
29.05.2020
Operativ Qərargah idman zallarının açılmamasına aydınlıq gətirib
29.05.2020
Azərbaycanda açıq havada keçirilən idman yarışlarına icazə verildi, amma...
27.05.2020
Ukrayna çempionu intihar etdi
26.05.2020
Həbib Nurməhəmmədov koronavirus testindən imtina etdi
22.05.2020
Kamil Zeynallı azadlığa çıxdı