Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6482

Digər sorğular

ISESCO İcraiyyə Şurasının 36-cı iclası başa çatıb

01:00  |    25 Noyabr 2015  |   E-mail  |  Çapa göndər

İslam Təhsil, Elm və Mədəniyyət Təşkilatı (ISESCO) İcraiyyə Şurasının Bakıda keçirilən 36-cı iclası noyabrın 24-də işini başa vurub. Sonda ikigünlük iclasın yekun hesabatı qəbul olunub.

Mədəniyyət və Turizm Nazirliyindən AZƏRTAC-a bildirilib ki, bağlanış mərasimində çıxış edən ISESCO İcraiyyə Şurasının sədri Bubakar Dukure iclasın işini yüksək qiymətləndirib. O, tədbirin böyük mədəniyyətə malik İslam ölkələri arasında elm, təhsil və mədəni əlaqələrin güclənməsinə dəyərli töhfələr verəcəyinə ümidvar olduğunu bildirib.

ISESCO İcraiyyə Şurasının sədri qədim tarixə, zəngin mədəniyyətə malik Azərbaycanda olmasından qürur duyduğunu diqqətə çatdırıb. O, İcraiyyə Şurasının 36-cı iclasının yüksək səviyyədə təşkilinə və səmimi qonaqpərvərliyə görə Azərbaycan Respublikasının Prezidenti İlham Əliyevə və bütün xalqımıza öz minnətdarlığını ifadə edib.

Daha sonra çıxış edən Azərbaycan Respublikası mədəniyyət və turizm naziri Əbülfəs Qarayev ISESCO İcraiyyə Şurasının 36-cı iclası çərçivəsində elm, təhsil və mədəni əməkdaşlıq sahələrində ölkələrimizin inkişaf istiqamətlərini təmin edəcək müzakirələrin aparıldığını qeyd edib. Nazir deyib: “İslam ölkələri arasında əlaqələrin daha da gücləndirilməsi və qarşılıqlı münasibətlərin dərinləşməsi olduqca vacibdir. Azərbaycan Prezidenti İlham Əliyev bu əlaqələrin inkişafına daim öz dəstəyini verir. Təşkilatla münasibətlər Azərbaycanın birinci xanımı Mehriban Əliyevanın ISESCO-nun xoşməramlı səfiri adına layiq görülməsindən sonra daha uğurlu inkişaf mərhələsinə qədəm qoyub və hazırda ən yüksək səviyyədədir”.

Ə.Qarayev vurğulayıb ki, ISESCO İcraiyyə Şurasının 36-cı iclasının Bakıda keçirilməsi müxtəlif ölkələrdən gələn qonaqların Azərbaycanla daha yaxından tanış olması üçün də mühüm bir imkandır. O, qonaqlara ölkəmizin mədəniyyəti, tarixi və müasir inkişafını təqdim etmək məqsədilə mədəni proqramın təşkil olunduğunu, iştirakçılara muzeylər, teatrlar, həmçinin Heydər Əliyev Mərkəzi və Qafqazın ən böyük məscidi olan Heydər məscidi ilə tanışlıq imkanı yaradılacağını diqqətə çatdırıb.

İclasa qatılan hər kəsə minnətdarlığını bildirən nazir Bakıda ISESCO-nun 12-ci baş konfransının da yüksək səviyyədə keçirilməsi üçün geniş hazırlıq işlərinin görüldüyünü deyib.

ISESCO-nun baş direktoru Əbdüləziz bin Osman əl-Tuveycri Azərbaycanda keçirilən iclası məhsuldar və əməkdaşlığın inkişafında irəliyə atılmış addım kimi qiymətləndirib. Qeyd edib ki, baş konfransın Azərbaycanda təşkil olunması təşkilatla gözəl əməkdaşlığın göstəricisidir.

“İcraiyyə Şurasının iclası üç illik fəaliyyətin yekununa və 2016-2018-ci illər üçün yeni tədbirlər planın hazırlanmasına öz töhfələrini verib. Biz artıq yeni mərhələnin başlanğıcındayıq. Anlayırıq ki, vəzifələrimiz və məsuliyyətimiz böyükdür. İslam ümmətinə xidmət edərək təhsil məsələlərini gücləndirməli, elmi tədqiqatları genişləndirib ölkələrimizin inkişafına nail olmalıyıq”, - deyə baş direktor əlavə edib.

İclasın yüksək səviyyədə keçdiyini vurğulayan Əbdüləziz bin Osman əl-Tuveycri Azərbaycan xalqına və hökumətinə minnətdarlığını bildirib.

Xatırladaq ki, ISESCO-nun 12-ci baş konfransı noyabrın 26-da Bakıda işə başlayacaq.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
20.09.2019
Xalq artisti Arif Babayev Türkiyədə xəstəxanaya yerləşdirilib
19.09.2019
Türkiyə kanalı Üzeyir Hacıbəyli haqqında film çəkdi - VİDEO
18.09.2019
Stalinə mahnı oxutduran, Mircəfərə tabut daşıtdıran azərbaycanlı dahi – HƏYAT HEKAYƏTİ
18.09.2019
Şuşalı Üzeyir bəyin Ağcabədidə doğulmasının MARAQLI TARİXÇƏSİ
18.09.2019
Bu gün Milli Musiqi Günüdür