Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6558

Digər sorğular

Avropa İnvestisiya Bankı: Azərbaycanda kənd təsərrüfatının inkişafı üçün böyük potensial var

02:30  |    13 Oktyabr 2015  |   E-mail  |  Çapa göndər


Kənd təsərrüfatı naziri Heydər Əsədov Avropa İnvestisiya Bankının vitse-prezidenti Laszlo Baranyayın rəhbərlik etdiyi nümayəndə heyəti ilə görüşüb.

Kənd Təsərrüfatı Nazirliyinin mətbuat xidmətindən Trend-ə verilən məlumata görə, görüşün məqsədi Azərbaycanda kənd təsərrüfatının inkişafı üçün investisiya imkanlarının müzakirəsi olub.

Nazir qonağı səmimi salamlayaraq bir çox beynəlxalq təşkilatlarla ölkəmiz arasında bir sıra layihələrin həyata keçirilməsi sayəsində sıx əlaqələrin olduğunu bildirib.

H.Əsədov 2015-ci ilin “Kənd təsərrüfi ili” elan olunması, kənd təsərrüfatının inkişafında yeni bir mərhələnin başlanılması, institusional islahatlar və aqrar sahəyə dövlət dəstəyi haqqında ətraflı məlumat verib. O, həmçinin əməkdaşlığın iki istiqamətdə inkişafının mümkünlüyünü nəzərə çatdırıb: Kənd Təsərrüfatı Nazirliyi tərəfindən hazırlanan layihələrə və nazirliyin vasitəsilə özəl sektorun inkişafına dəstək vermək.

Nazir kənd təsərrüfatının gəlirli sahə olduğunu nəzərə çatdıraraq bu sahəyə investisiya qoyuluşunu məqsədəmüvafiq hesab edib və prioritet hesab olunan sahələr, xüsusilə hibrid qarğıdalı toxumunun istehsalı və əhaliyə çatdırılması, özəl sektorda emal müəssisələrinin yaradılması, yeni suvarma sistemləri avadanlıqlarının quraşdırılması, böyük heyvandarlıq komplekslərində süd emalı müəssisələrinin yaradılması və digər təkliflərini irəli sürüb.

H.Əsədov Avropa İnvestisiya Bankı ilə əməkdaşlığa önəm verdiyini, aqrar sahədə yeni layihələrin həyata keçirilməsində nazirliyin maraqlı olduğunu bildirib və ölkəmizdə bu sahədə əlverişli investisiya mühitinin olduğunu qonağın diqqətinə çatdırıb.

Avropa İnvestisiya Bankının vitse-prezidenti L.Baranyay səmimi qəbula görə təşəkkürünü bildirərək Azərbaycanın bölgədə önəmli bir ölkə olduğunu və kənd təsərrüfatının inkişafı üçün böyük potensialın mövcudluğunu diqqətə çatdırıb, eyni zamanda Avropa İnvestisiya Bankının fəaliyyət istiqamətləri və qonşu ölkələrdə həyata keçirdiyi layihələr barədə geniş məlumat verib.

L.Baranyay ayrılan kreditlərin uzunmüddətli olduğunu, dövlət zəmanətinin tələb olunmadığını bildirərək, yeni layihələrin həyata keçirilməsində öz səylərini əsirgəməyəcəyini bildirib.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
12.11.2019
Yanacaqdoldurma məntəqələrindəki sıxlıqla bağlı SOCAR-dan açıqlama
12.11.2019
Bu gün Azərbaycanda Konstitusiya Günüdür
09.11.2019
“Yeni baş nazir Novruz Məmmədovun bir çox qərarlarını ləğv edəcək” – Aqil Abbas
09.11.2019
Bayraq günündə şəhid pilotumuzla bağlı təsirli hadisə - FOTO
09.11.2019
Nazirlikdən reklam olunan dərmanla bağlı Açıqlama