Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6574

Digər sorğular

Bakıda velosipedçilər və veloturistlər üçün infrastruktur yaradıla bilər

21:08  |    12 Oktyabr 2015  |   E-mail  |  Çapa göndər

Hotellər və Restoranlar Assosiasiyasının, həvəskarlardan ibarət "CycleMania" velosiped klubunun və "Baku Guide" jurnalının birgə təşkilatçılığı, Azərbaycan Velosiped İdmanı Federasiyasının texniki dəstəyi ilə “Özünü və ətrafı iki təkərlə kəşf et” adlı veloyürüş keçirilib.

Federasiyadan Trend-ə verilən məlumata görə, 35 velosipedçidən ibarət qrup yürüşə Dövlət Bayrağı Meydanından start götürməklə başlayıb.

Velosipedçilər “İnturist” hotelində qısamüddətli dayanacaq edərək, Azneft meydanından İstiqlaliyyət küçəsinə çıxıblar və Qoşa Qala Qapısından İcərişəhərə daxil olublar.

Ekskursiya bələdçisinin müşayiəti ilə velosipedçilər Qız Qalasında, Şirvanşahlar Sarayında və Karvansarada olublar. Veloyürüşün finiş nöqtəsi olan “Boulevard” hoteldə isə velosipedçilər və təşkilatçılar tədbirin əsas məqsəd və vəzifələrini açıqlayıblar. Şəhər küçələrində velosipedçilər üçün müvafiq infrastrukturun olmaması, hotellərin, restoranların, turizm obyektlərinin qarşısında velosiped dayanacaqlarının yaradılması əsas müzakirə edilən məsələlərdən olub.

Hotellər və Restoranlar Assosiasiyası tərəfindən təklif edilib ki, yerli və xarici turistlər üçün bir neçə marşrut hazırlansın. Şəhərin tarixi-memarlıq və digər turizm məkanlarını velosipedlə gəzmək istəyən turistlər üçün velosipedlərin alınması istiqamətində hotellər qarşısında stimullaşdırıcı təkliflər hazırlanması da müzakirə edilən məsələlər arasında olub.

Həmçinin təklif edilib ki, Bakı şəhərinin Səbail rayonunun rəhbərliyinə rayon ərazisində pilot layihə olaraq velosipedçilər üçün infrastruktur yarandılması ilə bağlı müraciət ünvanlansın. Çünki məhz bu rayonun ərazisində xarici qonaqlar və yerli turistlər arasında populyar olan əksər turizm obyektləri yerləşir.

Azərbaycan Velosiped İdmanı Federasiyasının nümayəndələrinin çıxışı zamanı bildirilib ki, federasiya velosipedçilər tərəfindən irəli sürülən təşəbbüsləri dəstəkləyir və bu cür tədbirlərin artması ölkədə velosiped mədəniyyətinin formalaşmasında əhəmiyyətli rola malikdir. Tədbirin sonunda veloyürüşün iştirakçılarına diplomlar təqdim edilib.
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
22.11.2019
Bakıda havanın temperaturu iqlim normasından 2 dərəcə aşağıdır - FAKTİKi HAVA
22.11.2019
Nazir: "Kobud pozuntulara yol verən 6 hakim vəzifədən azad edilib"
21.11.2019
Prezident İlham Əliyev: “Gələn il minimum 3 min köçkün ailəsi yeni evlərə köçəcək”
21.11.2019
Azərbaycanda Ombudsman dəyişir, üç nəfərin namizədliyi irəli sürülüb - SİYAHI
21.11.2019
“Alı zirvəsi" filminin təqdimatı keçirilib - FOTO