Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6959

Digər sorğular

Milli Məclis sədrinin müavini abituriyentlərlə görüşüb

03:28  |    05 Sentyabr 2015  |   E-mail  |  Çapa göndər

Sentyabrın 4-də Milli Məclis sədrinin müavini Bahar Muradova bu il ali məktəblərə qəbul imtahanlarında yüksək nəticələr əldə etmiş Füzuli rayonundan olan abituriyentlərlə görüşüb.

AZƏRTAC xəbər verir ki, görüşdə çıxış edən Bahar Muradova Azərbaycanın müstəqilliyini bərpa etdikdən sonra qısa müddət ərzində bütün sahələrdə nailiyyətlər qazandığını söyləyib. Qeyd edib ki, ölkəmiz regionda və dünyada özünəməxsus mövqeyə malikdir. Bu nailiyyətlərin əldə olunmasının səbəbi ilk növbədə xalqa, onun istəyinə, milli-mənəvi dəyərlərinə bağlıdır. Müasir dünyada inkişafın Azərbaycan modeli mövcuddur. Bu modelin özünəməxsusluğu bir çoxlarının diqqətini cəlb edir. Nailiyyətlərimizin əsas səbəblərindən biri də təhsilə, elmə çox böyük diqqət yetirməyimizdir.

Bahar Muradova bildirib ki, ulu öndər Heydər Əliyev Azərbaycan gəncliyinin milli vətənpərvərlik ruhunda yetişməsinə, dövlətə, cəmiyyətə yararlı vətəndaş kimi formalaşmasına xüsusi diqqət yetirirdi. Prezident İlham Əliyev bu siyasi kursu daha da inkişaf etdirərək uğurla həyata keçirir. Milli Məclis sədrinin müavini deyib ki, Azərbaycanın bugünkü gəncliyinin cəmiyyətin həyatında yüksək fəallığı ölkəmizin gələcəyinin etibarlı əllərdə olacağını deməyə əsas verir. Bu gün bizim çox gözəl gəncliyimiz yetişir. Gənclər ictimai-siyasi həyata cəsarətlə atılırlar.

Vurğulanıb ki, Azərbaycanda ilk dünyəvi təhsil ocaqlarının biri məhz Füzuli bölgəsində açılıb. Bu bölgənin yetirməsi olan tanınmış alimlər, ictimai-siyasi, elm xadimləri var. Ötən il Füzuli rayonundan 231 nəfər, bu il isə 326 nəfər ali məktəblərə daxil olub. Bugünkü görüşdə iştirak edən gənclər yüksək bal toplamaqla yanaşı, ölkəmizin ən qabaqcıl təhsil ocaqlarına daxil olublar.

Görüşdə çıxış edən abituriyentlər Azərbaycanda gənclərin inkişafından, dövlətin onlara göstərdiyi diqqət və qayğıdan danışıb və ölkə rəhbərliyinə, xüsusilə dövlətimizin başçısına minnətdarlıqlarını bildiriblər.

Sonda görüşdə iştirak edən abituriyentlərə və müəllimlərə hədiyyələr verilib
Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
14.07.2020
“Bütün gücümüzlə dövlətimizin və ordumuzun yanındayıq” - Əli Kərimli
14.07.2020
Ermənilərə qan uddururdu - Şəhid generalımızın bioqrafiyası
14.07.2020
"Bu qədər qanın içərisində atəşkəs yox, qisas istəyirəm" - Raquf Orucovun xanımı şəhid generaldan yazdı
14.07.2020
Kliniki Tibbi Mərkəzin baş həkimi işdən çıxarıldı
14.07.2020
Səfərbərlik çağırışı ilə bağlı göndərilən SMS-lər haqda açıqlama