Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6664

Digər sorğular

CASCFEN Tərtərdə ifadə azadlığı seminarı keçirib – VİDEO

16:18  |    03 Avqust 2015  |   E-mail  |  Çapa göndər

Orta Asiya və Güney Qafqaz Söz Azadlığı Şəbəkəsi (CASCFEN) Tərtərdə “Müəllimlər üçün onlayn ifadə azadlığı mədəniyyəti” mövzusunda növbəti seminarını keçirib. Azərbaycan Respublikası Prezidentinin yanında Qeyri-Hökumət Təşkilatlarına Dövlət Dəstəyi Şurasının maliyyələşdirdiyi və Tərtər rayon təhsil şöbəsində baş tutmuş seminarda 26 müəllim iştirak edib.

Seminarın açılışında çıxış edən Tərtər rayon təhsil şöbəsinin metodisti İntiqam Nuruyev bölgədə bu cür tədbirin keçirilməsini alqışladıqlarını deyib. O, təmsil etdiyi qurumun belə seminarlara önəm verdiyini qeyd edib.

“Biz çox şadıq ki, Azərbaycan dövlətinin yardımıyla müəllimlər üçün belə maarifləndirici seminarlar təşkil edilir. Bu, müəllimlərin öz üzərində çalışmasını, bilik və bacarıqlarını yüksəltməsini daha da stimullaşdıracaq”, – deyə İntiqam Nuruyev bildirib.

Sonra CASCFEN sədri Azər Həsrət çıxış edərək Tərtərdə gördüyü abadlığı, rayondakı dəyişiklikləri yüksək qiymətləndirib. Daha öncə də Tərtərdə bənzər tədbirlər təşkil etdiklərini deyən CASCFEN sədri qeyd edib ki, hər dəfə rayona gələndə buranın daha da gözəlləşdiyinin şahidi olur.

“Biz sevinirik ki, düşmənlə üz-üzə dayanmaqda olan bir rayonda bu qədər nəzərəçarpacaq dəyişiklik var. Burada ictimai təşkilatların davamlı tədbirlər keçirməsi, yeniliklərə açıq bir cəmiyyət formalaşdırılması sevindiricidir. Bu şəraiti yaratdığına görə öz dövlətimizə təşəkkür edirik”, – deyə o, bildirib.

Seminarın eksperti, Jurnalist Araşdırmaları Mərkəzinin rəhbəri Seymur Verdizadə ifadə azadlığı mədəniyyətilə bağlı şəxsi təcrübəsindən danışıb, ayrı-ayrı örnəklərlə iştirakçıları maraqlandıran məsələləri izah edib. O qeyd edib ki, hər kəs ifadə azadlığına can atdığı halda həm də məsuliyyətini unutmamalıdır.

“Məsuliyyət unudularsa, cəmiyyətdə xaos yaranar, insanlar arasında arzuolunmaz mühit formalaşar”, – deyə S.Verdizadə bildirib.

Digər ekspert, CASCFEN sədri Azər Həsrət isə iştirakçılara ifadə azadlığının qanunverici bazası, beynəlxalq normalar haqqında danışıb. Sonda o, netiketin 10 qızıl qaydası haqda məlumat verib, iştirakçıların suallarını cavablandırıb.

Tərtərdəki seminar özünün dinamikliyi və iştirakçıların fəallığıyla seçilib.

Anonim sorğu zamanı iştirakçılardan 20-si seminarı əla, 6-sı isə yaxşı qiymətləndirib.

Sonda sertifikatlar təqdim edilib, qrup şəkli çəkdirilib.


Sosial şəbəkələrdə paylaş



 
loading...
Aydinyol.az
Bölməyə aid digər xəbərlər
25.01.2020
Qənirə Paşayeva seçicilərlə görüşüb, şəhid ailələrini ziyarət edib - FOTOLAR
25.01.2020
Qarabağın ilk hərbi prokuroru da seçkiyə qatılıb
25.01.2020
Parlament seçkilərinə AŞ PA-dan gələn müşahidəçilərin sayı bilindi
25.01.2020
Səməd Vəkilovun seçki qərargahının geniş tərkibli iclası keçirilib – FOTOLAR
24.01.2020
Qənirə Paşayevanın seçicilərlə görüşü davam edir - FOTOLAR