Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 5685

Digər sorğular

Tanınmış jurnalist “Space” telekanalından getdi

19:43  |    13 İyul 2018  |   E-mail  |  Çapa göndər

“Space” televiziyasında növbəti bir kadr itkisi baş verib. Əməkdar jurnalist Nüşabə Hüseynli uzun müddətdir çalışdığı “Space” telekanalındakı işindən ayrılıb.

Modern.az-ın məlumatına görə, N.Hüseynli 2008-ci ildən bu günə kimi “Space” televiziyasında redaktor vəzifəsində çalışırıb.

N.Hüseynli əməkdaşımıza telekanaldan getdiyini nə təsdiq, nə də inkar edib. Bildirib ki, hazırda səhhəti ilə əlaqədar evdə müalicə alır. İndi onun üçün ən önəmlisi budur.

Qeyd edək ki, Nüşabə Hüseynli uzun illərdir mətbuatda çalışır, müxbir vəzifəsindən baş redaktor müavinliyinədək yüksəlib. Tanınmış jurnalist əvvəllər “Zaman”, “Şəhriyar”, “Elita”, “Bizim əsr”, “Günsəhər” qəzetlərində işləyib, “Lider” televiziyasının ilk siması olubş, sonralar bu televiziyada milli-mədəni irsin təbliğinə həsr olunan “Bizim muzey” adlı layihəni gerçəkləşdirib, eyni zamanda həmin televiziyada redaktor kimi fəaliyyət göstərib.

O, son illər “Space” televiziyasının “Hər səhər” proqramının redaktoru vəzifəsində çalışmaqla paralel, qəzetlər və informasiya portalları ilə əməkdaşlıq edir, köşə yazarı kimi fəaliyyət göstərib. Onlarla kitabın redaktorudur. “Televiziya jurnalisikası” kitabının həmmüəlliflərindəndir.
2016-cı il noyabrın 7-də Azərbaycan Prezidenti İlham Əliyev tərəfindən "əməkdar jurnalist" fəxri adı ilə mükafatlandırılıb.

N.Hüseynli Azərbaycan Milli Elmlər Akademiyası Nizami adına Ədəbiyyat İnstitutunun aspirantı olub, 2007-ci ildə “Azərbaycan ədəbi-nəzəri fikrində realizm problemi” adlı namizədlik dissertasiyasını müdafiə edib.
Jurnalistlik fəaliyyətilə yanaşı, 2009-2016-cı illər arası Bakı Slavyan Universitetində pedaqoji fəaliyyət göstərib. Universitetin jurnalistika fakültəsinin “Yeni media və kommunikasiya texnologiyaları” kafedrasının baş müəllimi vəzifəsində çalışıb.
Sosial şəbəkələrdə paylaş



 
Bölməyə aid digər xəbərlər
15.07.2018
Tələbə ailəsini yasa batırdı - Dəhşətli hadisə
06.07.2018
Başçıya sui-qəsd cəhdi edən Yunisin açıqlaması - Video
03.07.2018
O KİMDİ? ALLAHVERDİNİN DOSTU!
02.07.2018
"Azərbaycan Polis günü"nün tarixi…
30.06.2018
Gün ərzində 107 cinayət baş verdi – 25 həbs