Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 5963

Digər sorğular

“7 rayon qaytarıla bilər” –Bölgədə vəziyyət Azərbaycanın lehinə dəyişir

02:34  |    07 İyul 2018  |   E-mail  |  Çapa göndər

Rusiyanın nüfuzlu politoloqlarının işğal edilmiş Dağlıq Qarabağ bölgəsi ətrafındakı 7 rayonun Azərbaycana qaytarılması ilə bağlı səsləndirdiyi fikirlər əsaslandırılıb.

Bunu Teleqraf.com-a açıqlamasında politoloq İlqar Vəlizadə deyib.

Politoloqun qənaətinə görə, işğal edilmiş ərazilərin geri qaytarılması məsələsinə konseptual yanaşmaq lazımdır:

“Təkcə rusiyalı ekspertlər yox, beynəlxalq hüquq da bu ərazilərin Azərbaycana qaytarılmasını tələb edir. BMT Təhlükəsizlik Şurasının bununla bağlı 4 qətnaməsinin olduğunu da xatırlamaq lazımdır. Bu çağırışlar da həmin beynəlxalq hüquq normalarından irəli gəlir.

Lakin uzun illərdir Rusiyada bu münaqişə görməzdən gəlinirdi. Mümkündür ki, regionda vəziyyətin dəyişdiyi vaxt belə çağırışların edilməsi Rusiyanın hansısa maraqlarından irəli gəlir. Buna görə də bu fikirləri dilə gətirirlər. Rusiyada bu məsələ gündəmə gəlməli idi, çünki BMT-nin 4 qətnaməsi var. Niyə Qüdslə bağlı qətnamədə fikir ayrılığı olmamalıdır, bizim qətnamələrlə bağlı olmalıdır? Əslində bunu təkcə rusiyalı ekspertlər yox, rusiyalı rəsmilər də deməlidirlər”.

İlqar Vəlizadənin sözlərinə görə, Rusiyada ictimai rəy o qədər erməniləşdirilib ki, kimsə orada bizə xoş söz deyəndə qəribə görünür:

“Düzdür, münaqişənin birdəfəlik Azərbaycanın maraqlarına uyğun həll edilməsi Rusiyanın maraqlarına cavab vermir, amma 7 rayonun qaytarılması Rusiyanın maraqlarına cavab verir. Digər yandan isə uzun illərdən sonra Rusiyanın tanınmış politoloqları 7 rayonun Azərbaycana qaytarılmasını gündəmə gətirirlərsə, bu o deməkdir ki, bölgədə geosiyasi vəziyyət dəyişir. Bu baxımdan da Azərbaycana bir “güzəşt” kimi bu məsələni gündəmə gətirirlər.

Çünki Ermənistanın hazırkı hakimiyyəti Qərbyönümlü siyasət yürüdür. Bu, həm də Ermənistana bir mesajdır ki, Azərbaycana dəstək verə bilərik”.

Qeyd edək ki, rusiyalı politoloqlar Aleksandr Duqin və Maksim Şevçenko Qarabağətrafı 7 rayonun Azərbaycana qaytarıla biləcəyi ilə bağlı iddia irəli sürüblər.

Sosial şəbəkələrdə paylaş



 
Bölməyə aid digər xəbərlər
01.08.2018
Mattarella Bakıdan sonra niyə İrəvana getdi? Şərh
30.07.2018
Bu hərbi bazaları ona görə qapatdıq ki... - Lavrov
29.07.2018
Baxçalıdan Trampa: Bu ayıbdır, əxlaqa ziddir!
27.07.2018
Zaranı qəsddən göndəriblər- deputatdan sensasion iddia
25.07.2018
"Jara"dan Zaranın tədbirdə iştirakı ilə bağlı - Açıqlama