AZİLƏR

Qum adasının sahilboyu akvatoriyasında kütləvi balıq ölümü müşahidə olunub.

Ekologiya və Təbii Sərvətlər Nazirliyindən Axar.az-a verilən məlumata görə, 04-05 iyul tarixlərində Xəzər dənizi Bakı buxtası Qum adasının 3-4 km2 olan sahilboyu dayaz akvatoriyasında kütləvi balıq ölümü müşahidə olunub. Hadisənin səbəblərini araşdırmaq üçün Ekologiya və Təbii Sərvətlər Nazirliyinin və AMEA-nın Zoologiya İnstitunun Hidrobiologiya laboratoriyasının əməkdaşları əraziyə baxış keçirib.

Baxış zamanı balıqların sivriburun kefalın körpələri olduğu məlum olub.

Balıq nümunələri üzərində aparılan ümumi bioloji, morfoloji və fizioloji analizlərin nəticələrinə görə, götürülən nümunələrdə infeksion xəstəliklərin törədiciləri və zəhərlənmə halları aşkar edilməyib.

Balıqların yaşadığı mühitdən götürülən su nümunələrinin fiziki-kimyəvi parametrləri üzərində də analizlər aparılıb. Analizlərin nəticələrinə görə nümunələr götürülən günü balıqların yaşadığı mühitdə suda həll olmuş oksigenin miqdarının qeyri-optimal səviyyəyədək (suda həll olmuş oksigenin miqdarı 1.5–4.0 mq/litrə-dək (norma-6 mq/litr)) azalması və balıq orqanizminin bu dəyişikliklərə uyğunlaşmaması kefal balığı körpələrinin kütləvi tələfinə səbəb olub.

Qeyd edək ki, qeyri-optimal yaşama şəraiti daha həssas olan kefalın əsasən körpə balıqlarına təsir göstərib.



 

22.02.2019	Sahil Babayev canlı efirdə 36 vətəndaş müraciətini cavablandırıb
21.02.2019	Nazirlik işəgötürənlərə müraciət etdi
21.02.2019	“Hökumət problemli kreditlərlə bağlı qərar verəcək” - Deputatdan xoş XƏBƏR
20.02.2019	“Qaçqınkom” Zabratda evi yanan köçkünlərə ev verəcək
19.02.2019	"Arzu edirəm ki, belə görüşlər davamlı olsun" - Qarabağ Qaziləri Birliyinin sədri Asəf Əliyev