Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6143

Digər sorğular

Məşhurlar harada dincəlir?

16:32  |    05 İyul 2018  |   E-mail  |  Çapa göndər


Yayın qızmar çağını yaşayırıq.

Hamı istirahətə, dincəlməyə can atır. Kimi rayonda bağ evində, kimi də xaricdə dincəlir. Günlərlə gərgin rejimdə çalışan tanınmışlar harada istirahət edirlər?

AzVision.az tanınmış sənət adamları arasında sorğu keçirərək bu suala cavab tapmağa çalışıb.
Xalq artisti Nisə Qasımova yayda istirahət etməyəcəyini deyib: "Hələ Bakıdayam, görüləsi işlərim var. Sentyabr ayında dincəlmək üçün başqa bir ölkəyə, bacım qızının yanına gedəcəyəm".

Aktrisa Firəngiz Mütəllimova hara gedəcəyinə qərar verməyib: “Bilmirəm, bu barədə planım yoxdur. Hələ bu ayın 14-nə qədər işləyirik. Məzuniyyətə çıxandan sonra bir şey fikirləşərəm”.

Aktrisa Sənubər İsgəndərli də həmkarı kimi tətillə bağlı plan qurmayıb: “Mən heç yerə getmirəm, hələ bağdayam. Hara gedəcəyim barədə fikrim yoxdur. Çünki burada işlərim var, gedə bilmərəm”.

Əməkdar artist Mehriban Xanlarova istirahətini bölgələrimizdə keçirmək niyyətindədir: “Məni sevən fanatlarımın yanında olacağam”.

Tarzən Ramiz Quliyev isə işlərinin bitməsini gözləyir. “İmtahanlar bitəndən sonra baxacağıq ki, hara getmək və necə keçirmək olar. Neçə gündür ki, istilərə görə kondisionerin yanındayıq. Havalar düzələndən sonra bir şeylər fikirləşərik”.

Muğam ifaçısı Babək Niftəliyev ölkə ərazisində dincəliyini deyib: “Bu istilərdə istirahətimi Gəncə bölgəsində - Hacıkənddə, Toğanada, Göygöldə keçirirəm. Mənim üçün əsas dağdır”.

Müğənni Abbas Bağırovun ölkədən çıxmaq planı yoxdur: “Yayı Azərbaycanda, bölgələrimizdə keçirirəm”.

Müğənni Könül Kərimova yay tətilini ölkə xaricində keçirəcək: “Ailəmlə birlikdə Antalyada olacağam. Eyni zamanda rayonumuza da gedəcəyəm. Vaxtım qaldıqca hər yerə getmək istəyirəm”.

Xanəndə Canəli Əkbərovun dediyinə görə, o, bir az uzağa gedəcək. “Ailəmlə birlikdə Yaltada dincələcəyəm”.

Xalq artisti Bilal Əliyev yay aylarında Bakıda olacaq: “Xəstəm var deyə, heç yerə getmirəm, Bakıda olacağam”.

Xanəndə Alim Qasımov evdə qalmağı üstün tutur. “Sağlıq salamatlıq, əmin-amanlıq bizim istirahətimizdir. Bakıda olacağıq, Bakını hər şeydən üstün tuturam”.
Sosial şəbəkələrdə paylaş



 
Aydinyol.az
Bölməyə aid digər xəbərlər
20.02.2019
BŞİH Milli Şuranın 23 fevral mitinqinə icazə verməyib
20.02.2019
Bir şəklin tarixçəsi: Elçibəy niyə özünün deyil, jurnalistin maşınında gəzirdi?..
20.02.2019
Artur Rasizadə sükutu pozdu: “Nəticələrimlə oynayıram”
20.02.2019
Sabah güclü külək əsəcək - XƏBƏRDARLIQ
20.02.2019
Kəmaləddin Heydərovun bankını satdığı şəxsin adı açıqlandı