Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 5834

Digər sorğular

Kreml Nikolun nə etdiyini bilir: Putin Əliyevlə görüşdə…

12:40  |    01 İyul 2018  |   E-mail  |  Çapa göndər


Rusiya və Azərbaycan prezidentlərinin görüşü çox mühüm siyasi əhəmiyyətə malikdir.

Bunu Axar.az-a Azərbaycan və Rusiya prezidentlərinin gözlənilən görüşü haqda danışan fəlsəfə doktoru Elxan Ələsgərov deyib. Politoloq görüşün hər iki ölkə üçün məhsuldar keçəcəyini bildirib:

“İki ölkə arasındakı münasibətlər yüksək səviyyədədir və bu il iki ölkənin hökumət nümayəndələri arasında bir sıra vacib görüşlər keçirilib. Rusiya və Azərbyacan prezidentlərinin görüşündə əsas müzakirə mövzusu məhz Qarabağ olacaq. Volodinin Bakıya səfəri də onu göstərir ki, Moskva Bakıya diqqət yetirir. Aydın məsələdir ki, Qarabağ ətrafındakı son vəziyyət həmsədrlər və Rusiyanı narahat edir. Bu fonda irəlidə danışıqlar prosesinin intensivləşəcəyini söyləmək olar. Çünki Paşinyanın daxildə apardığı antirusiya mövqeyi ilə Moskvada verdiyi bəyanatlar üst-üstə gəlmir. Digər tərəfdən Ermənistanda hakimiyyətdə olan zümrələr siyasi baxımdan avantürist, Yaxın Şərqdəki terror təşkilatları ilə bağlı olan qüvvələrdir. Əlbəttə ki, bu da Moskvanı narahat edir. Bu fonda liderlər Ermənistandakı vəziyyəti nəzərdən keçirəcəklər”.

Ekspert qeyd edib ki, görüşün gündəliyində duran ikinci məsələ iqtisadi münasibətlərin inkişaf etdirilməsidir:

“Azərbaycan son zamanlar kənd təsərrüfatı və qeyri-neft məhsullarının istehsalını artırıb. Rusiya Azərbaycan mallarının ixracı üçün böyük bir bazardır. Bu arada Şimal-Cənub Dəhlizi ilə bağlı da fikir mübadiləsi olacaq. Çünki Rusiya bu dəhlizlə cənub dənizlərinə çıxış əldə edir”.

Politoloqun sözlərinə görə, görüş əsnasında Azərbaycan diasporu ilə bağlı da müzakirələr aparılacaq:

“ÜAK-ın bağlanmasından sonra bu istiqamətdə ciddi fikir mübadiləsi labüddür. Rusiya və Azərbaycan prezidentinin bu məsələdə ortaq qərara gələcəyi istisna edilmir. Eyni zamanda, Rusiyada olan erməni lobbisinin Azərbaycana qarşı fəaliyyəti də gündəmdə olacaq. Rusiya dövlət orqanlarına sızmış ermənipərəst qüvvələr bu ölkənin ərazisindəki KİV-lər vasitəsilə ölkəmizə qarşı fəaliyyət göstərirlər. Bu fonda Azərbaycan Rusiya XİN-in ölkəmizə qərəzli mövqeyinin araşdırılmasını tələb edə bilər. Bundan başqa, liderlərin Rusiya görüşündə beynəlxalq vəziyyət, dünyadakı terror, hərbi məsələlər, xüsusilə də Rusiyadan silah alışı ilə bağlı da müzakirələr mümkündür”.

Qeyd edək ki, Azərbaycan Prezidenti İlham Əliyev avqustun 30-da Rusiya Prezidenti Vladimir Putinlə görüşəcək.
Sosial şəbəkələrdə paylaş



 
Bölməyə aid digər xəbərlər
22.09.2018
“İranda gərginliyin artması qonşu dövlətlərə yaxşı heç nə vəd etmir” - Politoloq
22.09.2018
Prezident İlham Əliyev iranlı həmkarına başsağlığı verib
22.09.2018
Hatayda “Azərbaycan” küçəsi və “Qarabağ” parkı açılacaq
21.09.2018
Azərbaycan Prezidenti: İşğalçıya qarşı çox ciddi tədbirlər görülməsinin vaxtı çatıb
21.09.2018
Qənirə Paşayeva Dünya Müsəlman-Türk və Suriya Türkmənləri qurultayında çıxış edib