Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 5826

Digər sorğular

Fermerlərlə bağlı hökumətə çağırış edildi

14:39  |    11 İyun 2018  |   E-mail  |  Çapa göndər


“Dövlət ehtiyacları üçün gərəkli olan kənd təsərrüfatı məhsulları ilk növbədə yerli fermerlərdən və real bazar qiymətlərinə uyğun olaraq alınmalıdır”

İyunun 11-də Bütöv Azərbaycan Xalq Cəbhəsi Partiyası (BAXCP) İdarə Heyətinin növbəti iclası keçirilib.

Partiyadan musavat.com-a verilən məlumata görə, iclasda müzakirə olunan ilk məsələ Avropada Mühafizəkarlar və İslahatçılar Alyansının iyunun 8-9-da Bakıda keçirilən Şura iclası və zirvə toplantısı ilə bağlı olub. Alyansın Şura İclası və Bakı sammiti haqqında BAXCP sədri, millət vəkili Qüdrət Həsənquliyev İdarə Heyəti üzvlərinə ətraflı məlumat verib. BAXCP sədri ölkəmizin siyasi həyatı üçün mühüm əhəmiyyət kəsb edən bu tədbirin keçirilməsinə dəstək verən hər kəsə təşəkkürünü bildirib.

İdarə Heyətinin müzakirəsinə çıxarılan digər məsələ Azərbaycan fermerlərinin qarşılaşdığı problemlərlə əlaqədar olub. Bununla bağlı BAXCP İdarə Heyətinin açıqlaması qəbul edilib: “Son zamanlar kütləvi informasiya vasitələrində Azərbaycan fermerlərinin öz məhsullarını satışa çıxarmaları ilə bağlı ciddi problemlərin yaşandığı barədə məlumatlar yayılır. Bu məlumatlar partiyaya vətəndaşların ünvanladığı müraciətlərdə də öz təsdiqini tapır. Bu müraciətlərdə qeyd olunur ki, fermerlər min bir əziyyətlə əkib becərdikləri məhsulları dəyər-dəyməzə satmaq, yaxud öz zəhmətlərinin bəhrəsinin necə zay olduğunu ürək ağrısı ilə izləmək məcburiyyətində qalırlar”.

BAXCP İdarə Heyəti hesab edir ki, fermer təsərrüfatlarının inkişaf etdirilməsinin yolu istehsal olunan məhsullar üçün satış bazarlarının tapılmasından və dövlətin bu prosesi stimullaşdırmasından keçir: “Məlumatlara görə, bəzi dövlət qurumlarının ehtiyac duyduğu kənd təsərrüfatı məhsulları, həmin məhsulların Azərbaycanda da istehsal olunmasına baxmayaraq, bir çox hallarda xaricdən alınır. Hesab edirik ki, dövlət ehtiyacları üçün gərəkli olan kənd təsərrüfatı məhsulları ilk növbədə yerli fermerlərdən və real bazar qiymətlərinə uyğun olaraq alınmalıdır. BAXCP Azərbaycan hökumətini daxili bazarı qorumağa, fermerləri dəstəkləməyə və qeyd olunan istiqamətlərdə təxirəsalınmaz tədbirlər görməyə çağırır”.

Musavat.com
Sosial şəbəkələrdə paylaş



 
Bölməyə aid digər xəbərlər
09.09.2018
Azərbaycan-İran avtomobil zavodu ixraca başlama vaxtı barədə
09.09.2018
İki aprel şəhidinin qardaşı və bacısı evlənir: nişan mərasimi Şəhidlər Xiyabanından başladı - FOTO
05.09.2018
Kartofa gömrük rüsumu 2 dəfə artırıldı
03.09.2018
Lavrovdan Ermənisttana TƏLƏB: "Öhdəlikləri yerinə yetirməlidir"
22.08.2018
Azərbaycan və Rusiya üç sahədə birgə müəssisələr yaratmağı planlaşdırır