Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 5310

Digər sorğular

“Aprel şəhidi”nin qızı atasına MƏKTUB yazıb

11:02  |    05 Fevral 2018  |   E-mail  |  Çapa göndər


Tanınmış jurnalist Aida Eyvazlının "Qalibiyyət: şəhidlər və şahidlər" kitabının ikinci hissəsi çapa hazırlanır.

Modern.az-ın məlumatına görə, kitabda Azərbaycan Ordusunun zabiti, “Aprel şəhidi” Vaqif Bayramovun qızı Zeynəbin gündəliyindən bir hissə də oxuculara təqdim olunur.

Kitabın müəllifi deyir ki, o, çox istəyərdi ki, bu məktub bütün dillərə tərcümə olunsun, Ermənistanı, terroru dəstəkləyən prezidentlərə, dövlət başçılarına göndərilsin...

“Qoy silah alveri edənlər, 25 ildir ki, torpaqlarımızda nahaq qan axıdanlar utansınlar. Və görəsən bu məktubu oxumağa gücləri çatacaqmı?
Balaca Zeynəbə dedim ki, onun gündəliyində yazdıqlarını kitaba köçürəcəyəm, çünki kitaba yazılanlar mələklərin qanadında göylərə aparılır. O dəqiqə soruşdu ki, kitaba yazılsa, atası onları eşidərmi? Çox rahatlıqla dedim ki, “Zeynəb, atan səni eşidir, kitaba yazdıqlarımızı isə lap tez eşidəcək”.
Sevincək gündəliyini açıb mənə göstərdi. O gündəlikdə yazılan bəzi sətirləri tanrı dərgahındakı Vaqifə ismarlayıram”.


“Ata mən səni çox istəyirəm... Amma sən bizi qoyub getdin... Ata mən sənin üzünə deyə bilmirəm... Ancaq mən bura yazıram. Sən gələndə sənə deyəcəyəm... Mən operasiyaya (əməliyyata) girdim. Sən mənim əlimdən tutmuşdun... Mən operasiyadan çıxanda sən mənim əlimi buraxıb getdin və dedin: hər şey yaxşı olacaq... Mən yuxudan duranda əlimi buraxıb dedin ki, indi mən gedirəm şirinim...
... Hə uşaqlar, mənim atam, Vaqif atam gələndə mən bunu ona oxumağa verəcəyəm...
...Gəl ata, mən səni istəyirəm...
...Mən istəyirəm ki, sən gələndə mən sənə sevincimdən ATA VAQİF deyəm...
...Ata VAQİF yadındadır, sən həmişə mənə “şirinim” deyərdin. İndi sən getdin. Amma mən inanıram ki, sən gələcəksən. Sən gedəndən mənim az qala ürəyim partlayır. Mən bütün valideynləri görüb, deyirəm ki, mənim atam niyə gəlmir?
Allahım, sən bilirsən ki, atamı özün aparmısan... Və o mənim gözəl atam idi...
Ata mənim sənə bir sözüm var: onu sən gələndə deyəcəm... Amma bu söz çox önəmlidir. Bu söz gəlmək haqqındadır. Deyim? Yoxsa yox?! Amma deyəcəm? Pisinə gəlsə də deyəcəm: Səndən küsmüşəm... Ona görə küsmüşəm ki, sən evə gəlmirsən...
Ata sənin getdiyin ikinci ildir. Artıq 10 yaşım keçir... sənin il mərasimində şeir oxudum... hamı mənə baxıb deyirdi ki, o qızın atası yoxdur... Mən də hirslənirdim...
Ataaaaaa.... nə olur gəl, mən çox darıxıram, əvvəlki xatirələrimizə, günlərimizə darıxıram...
“Ata, ata...” yazanda elə qışqırmaq istəyirəm ki... İstəyirəm ki əlini mənə vurasan... İstəyirəm ki, qapımızı döyəsən... və səni qucaqlayım... bu günlüyümü açanda da sən qapını döy və mən bu yazdıqlarımı sənə oxuyum...
Nə bilim... bax indi-indi ürəyimi boşaldıram...”.



Azərbaycan Silahlı Qüvvələrinin zabiti (kapitanı) Vaqif Bayramov 2016-cı ildə “Aprel döyüşləri” zamanı şəhid olub,
Vaqif Bayramov 1979-cu ilin 25 dekabrda Naftalan şəhərində anadan olub. Ailəli idi, bir oğlu və iki qızı yadigar qalıb.
Vaqif Bayramovun qardaşı Mehman Bayramov 1992-ci il 1 iyulda Qarabağ müharibəsində şəhid olub.

2016-cı il aprelin 11-də Vaqif Bayramov doğulduğu Naftalan şəhərində son mənzilə yola salınıb.
Vaqif Bayramov ölümündən sonra göstərdiyi qəhrəmanlığa görə Azərbaycan Respublikasının Prezidenti İlham Əliyevin sərəncamı ilə "Hərbi xidmətdə fərqlənməyə görə" III dərəcəli medalı ilə təltif edilib.





Sosial şəbəkələrdə paylaş



 
Bölməyə aid digər xəbərlər
20.02.2018
"Dünyada vəhşi qətliam arayan varsa, bu, Xocalıdır" - Ərdoğan
20.02.2018
Qarabağda müharibə başlasa... – Rusiyalı analitikdən AÇIQLAMA
20.02.2018
Düşmən atəşkəsi 124 dəfə pozub
19.02.2018
“Qətl edilmiş 8 ailə” - Hüseynovların soyqırımı - Xocalı DƏHŞƏTİ
19.02.2018
Düşmən sutka ərzində atəşkəs rejimini 136 dəfə pozub