Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6006

Digər sorğular

Milli Qəhrəman Yusif Mirzəyevin xatirəsinə həsr olunmuş tədbir həyata keçirilib- FOTOLAR-VİDEO

02:20  |    24 Oktyabr 2017  |   E-mail  |  Çapa göndər

Bu gün Bakının 44 saylı orta məktəbində Azərbaycanın Milli Qəhrəmanı Mirzəyev Yusif Vəli oğlunun xatirəsinə həsr olunmuş tədbir keçirilib.

Tədbir “20 Yanvar” ictimai birliyi tərəfindən həyata keçirilən “Yeniyetmə və gənclər arasında vətənpərvərlik təbliğatının aparılması məqsədilə tədbirlərin təşkili” layihəsi çərçivəsində baş tutub. Qeyd edək ki, 44 saylı məktəb həm də 20 Yanvar hadisələrinin iştirakçısı olan Yusif Mirzəyevin adını adşıyır və məktəbin həyətində şəhidin büstü qoyulub.

Yusif Mirzəyevin ailə üzvləri, "Vətənpərvərliyin Təbliğinə Dəstək" İctimai Birliyinin sədri, Azərbaycanın ilk hərbi diktoru, hərbi vətənpərvərlik mahnılarının tanınmış ifaçısı və eyni zamanda da tədbirin aparıcısı Şəmistan Əlizamanlı, Bakı Təhsil İdarəsinin nümayəndəsi Rövşən Əliyev, Nəsimi rayon İcra Hakimiyyətinin nümayəndəsi Namiq Muradov, Gəncliyə Yardım Fondunun vitse-prezidenti Salman Əliyev, Qarabağ qazisi, jurnalist Rey Kərimoğlu, “Milli Qəhrəmanları Tanıtma” İctimai Birliyinin sədri Elşən Uluxanlı, “20 Yanvar” İctimai Birliyinin sədri Sultan Əzimzadə, təşkilatın sədr müavini Mustafa Əliyev, idarə heyətinin üzvüləri, birliyin Nəsimi rayon şöbəsinin sədri Tofiq Allahverdiyev, layihənin icraçısı Şəhla Qarayeva, gənc və yeniyetmələr, 44 saylı orta məktəbin şagirdləri tədbirdə iştirak edib.

“20 Yanvar” İctimai Birliyinin sədri S.Əzimzadə tədbiri açaraq həyata keçirilən layihə haqqında ətraflı məlumat verib. Sonra 44 saylı orta məktəbin direktoru Leyla Baxşıyeva, Bakı Təhsil İdarəsinin nümayəndəsi Rövşən Əliyev, Nəsimi rayon İcra Hakimiyyətinin nümayəndəsi Namiq Muradov, Tofiq Allahverdiyev, Rey Kərimoğlu çıxış edib. Tədbirin gedişatında vətənpərvərliklə bağlı Nəsimi rayon İcra Hakimiyyətinin və 44 saylı orta məktəbin hazırladığı video roliklər izlənib, tədbirin aparıcısı, şəhidin dostu Şəmistan Əlizamanlı Milli Qəhrəmanımız Yusif Mirzəyevlə bağlı xatirələrini danışıb. Tədbir vətənpərvərlik mahnısının səsləndirilməsi ilə yekunlaşıb.



Qeyd edək ki, layihə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə həyata keçirilir.








Sosial şəbəkələrdə paylaş



 
Aydinyol.az
Bölməyə aid digər xəbərlər
12.12.2018
Sabah gözlənilən hava şəraiti açıqlanıb
12.12.2018
Prezident İlham Əliyev və ailə üzvləri ümummilli lider Heydər Əliyevin məzarını ziyarət ediblər
12.12.2018
Hacıbala Abutalıbov Heydər Əliyevi şeirlə yad etdi (VİDEO)
11.12.2018
Ərinin balkondan atdığı qadın nazirin yaxın qohumudur
11.12.2018
Məcburi köçkünlərin növbəti qəbulu keçirilib