Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 6014

Digər sorğular

Şəhriyarın “Heydərbabaya salam” poeması gürcü dilində

14:55  |    02 Avqust 2017  |   E-mail  |  Çapa göndər

İ.Cavaxişvili adına Tbilisi Dövlət Universitetində (TDU) Gürcüstan Azərbaycanlıları Ağsaqqallar Şurasının (GAAŞ) təşkilatçılığı və dəstəyi ilə XX əsr Azərbaycan ədəbiyyatının görkəmli nümayəndəsi, Təbriz şəhərində Azərbaycan və fars dillərində yazıb-yaratmış şair Məhəmmədhüseyn Şəhriyarın “Heydərbabaya salam” poemasının gürcü dilinə tərcümə edilmiş kitabının təqdimat mərasimi keçirilib.


Aparıcı Dursun Ayvazov şair M.Şəhriyarın həyat və yaradıcılığı barədə məlumat verib.

Universitetin rektoru Georgi Şervaşidze, GAAŞ-ın sədri İsak Novruzov, müavini Mayak Nemətov, İran İslam Respublikasının Gürcüstandakı səfirliyinin mədəniyyət şöbəsinin müdiri Kamran Fərdi, Tbilisi şəhər bələdiyyəsinin müşaviri Kaxa Tsetsxiladze, Təbriz Universitetinin direktoru Pur Muhəmmədi, Təbriz Universitetinin Qafqaz Tədqiqat Mərkəzinin direktoru Əhməd Fərşbafian, TDU-nun professoru Namadi Bartaia, Azərbaycanın Gürcüstandakı səfirinin müavini Fəxri Hacıyev, Gürcüstan Müsəlmanları İdarəsinin şeyxi hacı Ramin İgidov, poemanı gürcü dilinə çevirən şair-tərcüməçi Oqtay Kazımov M.Şəhriyarın həyat və yaradıcılığı haqqında dəyərli fikirlərini bölüşüblər. Azərbaycanlı və gürcü tələbələr poemadan parçaları Azərbaycan, gürcü və fars dillərində söyləyiblər.

Sonda “Heydərbabaya salam” poemasından bir parça M.Şəhriyarın lent yazısında səsləndirilib. İranın Gürcüstandakı səfirliyinin nümayəndəsi “Heydərbabaya salam” poemasını gürcü dilinə çevirən şair-tərcüməçi Oqtay Kazımova hədiyyə təqdim edib.

Tədbirdə Azərbaycan-Gürcüstan və İran ictimaiyyətinin nümayəndələri, görkəmli ədəbiyyatşünaslar, ictimai birliklərin üzvləri və ziyalılar iştirak ediblər.

Xətayi Əzizov

AZƏRTAC-ın xüsusi müxbiri

Tbilisi
Sosial şəbəkələrdə paylaş



 
Aydinyol.az
Bölməyə aid digər xəbərlər
15.12.2018
Ramiz Rövşən Allahın Yer üzünə sevgi məktubudur...
15.12.2018
Bu gün Ramiz Rövşənin doğum günüdür
11.12.2018
“Bir nəfər hamı üçün, yaxud Mixaylonun qisası” kitabı Müdafiə Nazirliyində təqdim olundu
05.12.2018
Rüstəm Behrudi xüsusi mükafat aldı - Foto
03.12.2018
Cəlil Cavanşirin “Miladdan sonra” adlı yeni kitabı işıq üzü görüb