Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 5628

Digər sorğular

Zəhra boyda iki...

16:38  |    05 İyul 2017  |   E-mail  |  Çapa göndər

Axır vaxtlar başı qarışıq olan məmləkətimdə sapı özümüzdən olan baltaların quyuya atdığı daşların arxasınca küyə düşüb gedənlər yaman çoxalıb. Ar dərdi, namus dərdi çıxıb yaddan, hamı bir-birini alçaltmaqla, aşağılamaqla, hətta təhqir etməklə məşğuldur. Bizlər kəndçi olmağımızın “günah”ını nə məsələdisə ödəyib qurtara bilmirik.

Nigar İsfəndiyarqızı | [email protected]

Belə də ki, mən bu ayrı-seçkiliyə yox demirəm. Kəndçisən otur yerində, sənin nə işin var müharibə gedən zonada yaşamadığın halda özünü güllə qabağına atıb, hansısa anası Dubayda nə qələt eləyənin balasının qoyub getdiyi daşı-kəsəyi qoruyursan? Adama deyərlər sənə nə düşüb?! Bə bilmirsən ki, o qələtlərdə qazanılan pullarla böyüyənlər bir gün gəlib boynuna minəcək?! Öl öldüyün yerdə, kartofunu, kələmini ək, üstünün tozunu-torpağını da gətirib Bakıya tökmə! Bə bilmirsən Bakı əslində paytaxt deyil, “impırtnılar”ın şəhəridir?! Burada ...açıq gəzmək olar, metroda ö(t)üşmək olar, küçədə, parkda qız basmarlamaq olar, hətta mavi də olmaq olar, amma kəndçi olmaq olmaz!

Nə isə, bu barədə yazıb sözlərimi israf eləmək istəmirəm. Bu məsələni ortaya atıb camaatın başını bu “arvad” qeybəti ilə qatanlar o kəndçinin balağından tökülən toza-torpağa qurban olsunlar, Vətən torpağıdı o torpaq, yad əli dəyməmiş, kirlənməmiş, müqəddəs Vətən torpağı...

Görmüşük ayıbı olan başını yerdən qaldırmaz. Bizim Qarabağ boyda namus qarasına bürünmüş günahımız varkən siz kimi, nəylə və nədə ittiham edirsiniz?
Kəndçi olmaqdımı günah?

Şəhərli olmaqmı?!

Üstü palçıqlı, əli qabarlı olmaqmı, yoxsa... yoxsa qadını yad eldə əsir olmaqmı?!
Əlinə qələm alan biri əvvəl öz biləyini döyməsə doğruları yazammaz. İnciməyin, sifətinizə tərs çırpılacaq amma xəbəriniz varmı ki, işğalın 30 ili gəlir?!
Otuz il!

Bu məmləkətin subay, günahsız ölən şəhidlərinin sevgililəri erməni itlərindən dölləndilər! Onlar haralıydı?! Rayonlumu, kəndlimi?! Haralıydılar cavab verin! Mən deyim. Azərbaycanlı! Sənin, mənim, onun anası, bacısı, qızı! Və böyüdülər! Böyüdüldülər, artırıldılar! O qadınlardan olan oğullar bir gün qarşımıza dikiləcək! Allahın qiyamət günü o gün olacaq! O gün!

Dünyaya haqlı olduğumuzu sübut eləmək istəyən sizlərdən fərqli olaraq mən qisas istəyirəm!

Qan almaq, qan tökmək... əllərimlə tikə-tikə eləmək istəyirəm!

Kimə, nəyə görə haqq?! Allah bilmirmi?

O bizə yetməzmi?!

Dünən gecə hamımız şərəf dərsindən sinifdə qaldıq, iki aldıq.

Yekə bir İKİ!

Zəhra boyda iki...

Yeri gəlmişkən Sahibə də Zərha da kəndçiydi, torpağı qoyub gəlməyən kəndçilərdən. O sipər olanlar var ha, bax onlardan...

Di sizə nuş olsun, bir-birinizi yeməyə davam edə bilərsiniz!

P.S: Cəbhədən son xəbər. Ermənistan ordusunun beş hərbçisi öldürülüb, üç nəfəri yaralanıb. Təşəkkür edirəm, Ordum!

Mən sənə güvənirəm!
Sosial şəbəkələrdə paylaş



 
Müəllifin son yazıları
05.05.2017 “Sən seviləsi adam deyilsən, Rüstəm Əfəndi!“
03.07.2015 Erməninin eləmədikləri...
06.05.2015 Papağıma sıçrayan qan...