Əvvələ 

SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 4823

Digər sorğular

Bu gün dən diferensiallaşma başlayır

11:45  |    01 Yanvar 2017  |   E-mail  |  Çapa göndər

Bu gündən əhaliyə təbii qazın pərakəndə satışı diferensial tariflərlə həyata keçirilməyə başlayacaq.

Qaziler.az xatırladır ki, Tarif (qiymət) Şurasının 2016-cı il 28 noyabr tarixində keçirilmiş i iclasında təbii qazın satışı tariflərinə baxılıb və müvafiq tarif tənzimlənməsi aparılıb.

Tarif (qiymət) Şurasının qərarına əsasən təbii qazın pərakəndə satış tarifi əhali üzrə illik istehlak həcmi 1500 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılıb, illik istehlak həcminin 1500 kubmetrdən çox olan hissəsi üçün isə 20 qəpik müəyyənləşdirilib.

Tarif (qiymət) Şurasının 22 dekabr 2016-cı il tarixi iclasında isə Azərbaycan Respublikası Prezidentinin tapşırığına əsasən, əhalinin sosial müdafiəsinin daha da gücləndirilməsi və güzəştin şamil edildiyi əhali istehlakçılarının əhatə dairəsinin daha da genişləndirilməsi məqsədilə Şuranın iclasında əhali üzrə tarifi dəyişməyən təbii qaz üçün təsdiqlənmiş illik istehlak həcmi 1500 kubmetrdən 1700 kubmetrə qaldırılıb. Başqa sözlə, təbii qazın pərakəndə satış tarifi əhali üzrə illik istehlak həcmi 1700 kubmetrədək olan istehlakçılar üçün dəyişdirilməyərək bir kubmetr üçün mövcud 10 qəpik səviyyəsində saxlanılıb, illik istehlak həcminin 1700 kubmetrdən çox olan hissəsi üçün isə 20 qəpik müəyyənləşdirilib.

Beləliklə, əgər abonent 1 il ərzində 1700 kubmetr qaz istehlak edəcəksə, o bu halda qazın hər kubmetrini əvvəlki qaydada 10 qəpiklə ödəyəcək. Başqa sözlə, il ərzində 1700 kubmetr qaz istehlakına görə abonent 170 manat ödəniş edəcək. Amma illik qaz sərfiyyatı 1700 kubmetrdən çox olan abonent bu göstəricidən artıq istehlak etdiyi hər kubmetr qaza görə 20 qəpik ödəməli olacaq. Məsələn, illik qaz istehlakı 2000 kubmetr olan abonent 1700 kubmetri 10 qəpiklə ödəyəcək. Yerdə qalan 300 kubmetrə görə ödəniş hər kubmetrə görə 20 qəpikdən hesablanacaq. Yəni, ümumilikdə, limitdən əlavə istifadə olunmuş 300 kubmetr qaz üçün 60 manat ödəməli olacaq. Beləliklə, il ərzində 2000 kubmetr qaz istehlak edən abonent 230 manatından keçməli olacaq.

Qaz sistemi yeni tariflərə uyğunlaşdırılacaq. Mexaniki sayğacların üzərində göstəricilər var. Abonent mexaniki göstərici vasitəsi ilə ödəyəcəyi məbləği hesablaya biləcək. Smart kart tipli sayğaclarda isə elektron tablo vasitəsi ilə abonent qaz sərfiyyatı barədə göstəriciləri izləyə biləcək.

Tarif (qiymət) Şurasının qərarına əsasən təbii qazın əhali istehlakçı qrupu üzrə tarifləri 2017-ci il yanvarın 1-dən tətbiq olunur.
Sosial şəbəkələrdə paylaş



 
Bölməyə aid digər xəbərlər
21.08.2017
Azərbaycan Gürcüstana ikinci helikopteri göndərib
18.08.2017
3350 tələbə ali məktəbini dəyişmək istəyir
17.08.2017
Sabaha olan hava proqnozu açıqlanıb
16.08.2017
Qarabağ müharibəsi əlillərinə ev verildi
15.08.2017
Tələbələrin köçürülməsi üzrə sənəd qəbulunun vaxtı uzadılıb