Əvvələ 


SORĞU
Azərbaycan erməni işğalındakı torpaqlarını azad etmək üçün neyləməlidir?
Danışıqlar prosesini davam etdirməlidir
İşğalçılara qarşı hərbi əməliyyatlara başlamalıdır
Digər

  Nəticələr!    İştirak edənlər: 4555

Digər sorğular

Şamaxıda torpaq sürüşməsi: ziyan dəyən evlərin sayı 404-ə çatıb

15:25  |    22 Dekabr 2016  |   E-mail  |  Çapa göndər

Son bir ayda intensiv olaraq yağan yağış və qardan sonra Şamaxı şəhərində və kəndlərdə torpaq sürüşməsi yenidən aktivləşərək geniş ərazini əhatə edib.

APA-nın xəbərinə görə, son vaxtlar şəhərin Hüseyn Cavid küçəsində və Şəhidlər xiyabanının ətrafında sürüşmə sahəsi daha da genişlənib. 30-dan çox evdə çatlar əmələ gəlib. Torpaq sürüşməsi zamanı vətəndaşlara məxsus daha 4 fərdi evin divarlarında iri çatlar əmələ gəlib, yaşayış üçün təhlükəli vəziyyət yaranıb.


Şamaxı Rayon İcra Hakimiyyətinin nümayəndəsi Şahnəzər Qasımov sayta bildirib ki, şəhərin şimal-şərq hissəsində hazırda 10-dan çox ev qəzalı vəziyyətdədir: “Mənzillərin divarlarında iri çatlar əmələ gəlib. Evlər hər an sürüşmə zamanı dağıla bilər. Sakinlərə məxsus meyvə bağlarında çoxsaylı torpaq batmaları baş verib. Son günlər qarın yağmasından sonra yenidən aktivləşən sürüşmə hər gün davam edir”.

İcra Hakimiyyəti təmsilçisinin sözlərinə görə, torpaq sürüşməsi nəticəsində indiyədək rayonun 7 kəndində - Çabanı, Mədrəsə, Meysəri, Birinci Çaylı, Muğanlı, Acıdərə və Qaleybuğurd yaşayış məntəqəsində qəzalı vəziyyətə düşən 404 ev var. Bu evlərdən 84-ü bu il baş verən torpaq sürüşməsi zamanı ziyan çəkib, divarlarda çatlar yaranıb, həyətlərdə torpaq sürüşməsi və çökməsi baş verib, yarğanlar əmələ gəlib. İndiyədək 19 qəzalı evdə yaşayan ailə təhlükəsiz əraziyə keçirilib. Təkcə Mədrəsə qəsəbəsində qəzalı evlərin sayı 20-dən çoxdur. Bu qəsəbədə sürüşmə ərazisi son iki ayda 20 hektar genişlənərək 40 hektara çatıb. Ümumilikdə isə 100-dən dən çox evdə çatlar əmələ gəlib. Üç ev yararsız hala düşdüyündən, sakinlər kompensasiya alaraq evlərini tərk ediblər.

Məsələ ilə bağlı Ekologiya və Təbii Sərvətlər, Fövqəladə Hallar nazirliklərinin, Şamaxı Rayon İcra Hakimiyyətinin nümayəndələri sürüşmə zonalarına baxış keçirərək sakinlərlə görüşüblər. Son günlər yağan qardan sonra Şamaxıda aktivləşən torpaq sürüşməsinin fəsadları və evlərə dəyən ziyan barədə rayon Fövqəladə hallar komissiyası tərəfindən aidiyyatı qurumlara məlumat verilib.
Sosial şəbəkələrdə paylaş



 
Bölməyə aid digər xəbərlər
29.04.2017
Sosial mənzillərə qeydiyyat başlayır: QİYMƏTLƏR, ŞƏRTLƏR, TƏLƏBLƏR
28.04.2017
Təhsil Nazirliyi bölgələrdəki təhsil müəssisələrində pozuntular aşkarlayıb
28.04.2017
250-dək “London taksi“si ikinövbəli qrafikə keçir - İslamiadaya görə
28.04.2017
Ötən il abituriyentlərin 56,4 faizi 0-200 bal toplayıb
27.04.2017
Quba almalarının İrəvana müdaxiləsi: hələ də satışdadır, istehsalçı şirkət “bizə dəxli yoxdur” deyir...